തിരുവനന്തപുരം: യുഡിഎഫ് മന്ത്രിസഭയില് മന്ത്രി സ്ഥാനം ഇതിനകം ഉറപ്പിച്ചത് എട്ട് പേര്.രമേശ് ചെന്നിത്തല, കെ മുരളിധരന്, എം ലിജു, പി സി വിഷ്ണുനാഥ്, സണ്ണി ജോസഫ്,എ പി അനില്കുമാര് ചാണ്ടി ഉമ്മന്, ബിന്ദു കൃഷ്ണ എന്നിവരാണ് മന്ത്രി പദവി ഉറപ്പിച്ചതെന്നാണ് വിവരം. ചെന്നിത്തലയ്ക്ക് ആഭ്യന്തരം നല്കാമെന്ന് നിയുക്ത മുഖ്യമന്ത്രി ഉറപ്പ് നല്കി.ധനകാര്യം മുഖ്യമന്ത്രി തന്നെ കൈകാര്യം ചെയ്യുമെന്നാണ് അറിയുന്നത്.
.തിരുവഞ്ചൂര് രാധാകൃഷ്ണന് സ്പീക്കറായേക്കും. രമേശ് ചെന്നിത്തല ആഭ്യന്തരവും വിജിലന്സും കൈകാര്യം ചെയ്യുമെന്നാണ് സൂചന. അനൂപ് ജേക്കബിനും മാണി സി കാപ്പനും മന്ത്രി സ്ഥാനം നല്കുന്നതില് തീരുമാനം ആയില്ല. സി.പി. ജോണിന് മന്ത്രിസ്ഥാനം ഉറപ്പായെന്നാണ് ലഭ്യമായ റിപ്പോര്ട്ട്.
ആഭ്യന്തര വകുപ്പ് വേണമെന്നത് കൂടാതെ അന്വര് സാദത്തിനെക്കൂടി മന്ത്രിയാക്കണമെന്ന നിലപാടിലാണ് രമേശ് ചെന്നിത്തല. അതേസമയം, മുഖ്യമന്ത്രി പദം നഷ്ടമായെങ്കിലും പുതിയ മന്ത്രിസഭയില് സ്വാധീനമുറപ്പിക്കാനുള്ള ശ്രമത്തിലാണ് കെ.സി വേണുഗോപാല്. തന്റെ അടുപ്പക്കാരായ എട്ടുപേരെയാണ് കെ.സി വേണുഗോപാല് മന്ത്രിസഭയിലേക്ക് നിര്ദേശിച്ചത്.സണ്ണി ജോസഫ്, പി.സി.വിഷ്ണുനാഥ്, ടി.സിദ്ദിഖ്, തിരുവഞ്ചൂര് രാധാകൃഷ്ണന്, എ.പി അനില്കുമാര് എന്.ശക്തന്, ഓ.ജെ ജനിഷ് എന്നിവരുടെ പേരുകള് കെ.സി പക്ഷം നിര്ദ്ദേശിച്ചിട്ടുണ്ട്.കെ മരുളീധരന്, ചാണ്ടി ഉമ്മന് ഉള്പ്പെടെ നാല് പേരെ വി ഡി സതീശനും മന്ത്രിസഭയിലേക്ക് നിര്ദേശിച്ചിട്ടുണ്ട്. ഇതില് കെ.മുരളീധരനെ മന്ത്രിസ്ഥാനത്തേക്ക് ഉറപ്പായും പരിഗണിക്കും.
