കൊല്ക്കൊത്ത: മമത ബാനര്ജി നിയമസഭാ തെരഞ്ഞെടുപ്പ് തോറ്റതിന്റെ സന്തോഷത്തില് ഗായിക ഉഷാ ഉതുപ്പ് ദീദി, ദീദി,ദീദി വാ എന്ന ഗാനം പാടിയെന്ന വിവാദം ബംഗാളില് വലിയ ചൂടും പുകയും ഉയര്ത്തുകയാണ്. ഈ ഗാനം യഥാര്ത്ഥത്തില് പാടിയ അള്ജീരിയന് ഗായകന് ഖാലിദും ഈ ദീദി ഗാനം പാടിയെന്നും സമൂഹമാധ്യമങ്ങളില് വൈറലായി പ്രചരിക്കുകയാണ്.
ഉഷാ ഉതുപ്പ് മമതയുടെ തോല്വി ആഘോഷിച്ച് ദീദി ഗാനം പാടിയെന്ന് ആരോപിക്കുന്ന വ്യാജപോസ്റ്റ്:
In celebration of Didi leaving Bengal, Usha Uthup had fun by singing ‘Didi Go.’ It should be remembered that during the TMC regime, cut money was allegedly demanded from her for her performances, due to which she became troubled and moved to Mumbai. Now she has returned 🫡 pic.twitter.com/PMTWe0fo2g
— Oxomiya Jiyori 🇮🇳 (@SouleFacts) May 10, 2026
ദീദി ഗാനം ഉഷാ ഉതുപ്പ് പാടുന്നതിന്റെ വീഡിയോയും പ്രചരിക്കുന്നുണ്ട്. ഉഷാ ഉതുപ്പിന് മമതയെ വെറുപ്പാണെന്നും മമതയുടെ അനുയായികള് വന്തുക ഉഷാ ഉതുപ്പില് നിന്നും കമ്മീഷനായി ആവശ്യപ്പെട്ടിരുന്നെന്നും ഇതാണ് ഉഷാ ഉതുപ്പിനെ മമതയുമായി അകറ്റിയതെന്നും അഭ്യൂഹങ്ങളുണ്ട്. മാത്രമല്ല മമതയുടെ ഗുണ്ടകളുടെ ശല്യത്തില് നിന്നും രക്ഷപ്പെടാന് സ്വന്തം നാടായ കൊല്ക്കൊത്ത വിട്ട് ഉഷാ ഉതുപ്പ് മുംബൈയില് പോയി താമസമാക്കിയെന്നും ആരോപണമുണ്ട്.
എന്തായാലും പുതിയ ദീദി ഗാനം പാടിയെന്ന ആരോപണം വൈറലായതോടെ ഈ വിവാദത്തിന് മറുപടിയുമായി ഉഷാ ഉതുപ്പ് രംഗത്തെത്തി. താന് മമത തോറ്റതുകൊണ്ട് പ്രത്യേകിച്ച് ഈ ഗാനം പാടിയിട്ടില്ലെന്നും ഉഷാ ഉതുപ്പ് പറയുന്നു. “താന് കഴിഞ്ഞ 21 വര്ഷമായി ഈ ഗാനം ആലപിക്കുന്നുണ്ട്. മാത്രമല്ല, മമതയെ പേടിച്ച് താന് കൊല്ക്കൊത്ത വിട്ട് മുംബൈയില് പോയി എന്ന ആരോപണത്തിലും കഴമ്പില്ല. താന് ഇപ്പോഴും കൊല്ക്കൊത്തയില് തന്നെയാണ് താമസിക്കുന്നത്. “- ഉഷാ ഉതുപ്പ് പറഞ്ഞു.
