തൃശൂര്‍ : മുഖ്യമന്ത്രി പ്രഖ്യാപനത്തെ തുടര്‍ന്ന് ആല്‍മരത്തില്‍ കെട്ടി പടക്കം പൊട്ടിച്ചതിലൂടെ ആല്‍മരത്തിന് തീപിടിച്ചു. വി ഡി സതീശനെ മുഖ്യമന്ത്രിയായി പ്രഖ്യാപിച്ചതിന് പിന്നാലെ തൃശൂര്‍ വെള്ളറക്കാട് കോണ്‍ഗ്രസ് പ്രവര്‍ത്തകരാണ് പടക്കം പൊട്ടിച്ചത്.
പാതി മുറിച്ച് മാറ്റിയ ആല്‍മരത്തില്‍ വേരുകളില്‍ ചുറ്റിവച്ച് പടക്കം പൊട്ടിക്കുകയായിരുന്നു. കുന്നംകുളത്ത് നിന്ന് അഗ്നിരക്ഷാ സേന എത്തിയാണ് തീ കെടുത്തിയത്.
തിങ്കളാഴ്ച രാവിലെ 10 മണിക്ക് സെന്‍ട്രല്‍ സ്റ്റേഡിയത്തിലാണ് സത്യപ്രതിജ്ഞ. പൊതുഭരണ വകുപ്പ് ഒരുക്കങ്ങള്‍ തുടങ്ങി. ഇന്ന് വൈകിട്ട് ഏഴു മണിക്ക് ശേഷം വി.ഡി. സതീശന്‍ ഗവര്‍ണറെ കണ്ട് സര്‍ക്കാര്‍ രൂപീകരണത്തിന് അനുമതി തേടും.
ദിവസങ്ങള്‍ നീണ്ട ചര്‍ച്ചകള്‍ക്കും നാടകീയതകള്‍ക്കും ശേഷമാണ് പതിനൊന്നാം ദിവസം വി.ഡി. സതീശനെ മുഖ്യമന്ത്രിയായി തീരുമാനിച്ച് പ്രഖ്യാപനമുണ്ടായത്.എഐസിസി ആസ്ഥാനത്ത് സംസ്ഥാനത്തിന്റെ ചുമതലയുള്ള ജനറല്‍ സെക്രട്ടറി ദീപാദാസ് മുന്‍ഷിയാണ് കേരളത്തിന്റെ മുഖ്യമന്ത്രിയായി വി.ഡി. സതീശനെ പ്രഖ്യാപിച്ചത്.
