തിരുവനന്തപുരം: :മുഖ്യമന്ത്രി ആരായാലും ആ ദേഹത്തിന്റെ ആദ്യ ദര്ശനം പാണക്കാട്ടേക്കെന്ന് ബിജെപി നേതാവ് കെ. സുരേന്ദ്രന്. വി.ഡി. സതീശന് മുഖ്യമന്ത്രി ആകണമെന്ന് വരെ പറയുന്നതിന് മുസ്ലിംലീഗിന് ധൈര്യം കിട്ടിയത് ലീഗ് കോണ്ഗ്രസിനെ വിഴുങ്ങിയതുകൊണ്ടാണെന്നും സുരേന്ദ്രന് പറഞ്ഞു.
ഇത്ര ദിവസമായിട്ടും കോണ്ഗ്രസിന്റെ മുഖ്യമന്ത്രിക്കസേരയ്ക്ക് വേണ്ടി മൂന്ന് നേതാക്കള് തമ്മില് യുദ്ധം തുടരുകയാണ്. സംസ്ഥാന സര്ക്കാരിലെ ഭരണം പ്രതിസന്ധിയിലായിരിക്കുകയാണ്. പാഠപുസ്തകങ്ങള് പോലും അച്ചടിച്ചിട്ടില്ല. പരീക്ഷാഫലപ്രഖ്യാപനം നടത്താനുള്ള സംവിധാനം പോലും പ്രതിസന്ധിയിലാണ്. കുട്ടികളുടെ ഭാവിയെ ആണ് ഈ കസേര കളി ബാധിക്കുന്നത്. – കെ. സുരേന്ദ്രന് പറഞ്ഞു.
പത്ത് ദിവസമായിട്ടും കോണ്ഗ്രസിലെ മുഖ്യമന്ത്രിയെ തീരുമാനിക്കുന്നതില് പ്രതിസന്ധി തുടരുകയാണ്. ഹൈക്കമാന്ഡിന് പോലും അതില് ഒരു തീരുമാനം എടുക്കാന് കഴിയുന്നില്ല. ഹൈക്കമാന്റ് തീരുമാനത്തിനും തടസ്സമാകുന്നത് മുസ്ലിം ലീഗിന്റെ ഇടപെടല് മൂലമാണെന്ന് കരുതുന്നു.
