ഗുവാഹത്തി: ആസാമില് എന്ഡിഎ സര്ക്കാരിന്റെ സത്യപ്രതിജ്ഞയ്ക്ക് മുന്നോടിയായി പുതിയ പദ്ധതികള് പ്രഖ്യാപിച്ച് നിയുക്ത മുഖ്യമന്ത്രി ഹിമന്ത ബിശ്വ ശര്മ്മ. സംസ്ഥാനത്തെ 10 ലക്ഷം യുവാക്കള്ക്ക് സംരംഭങ്ങള്ക്കായി അഞ്ച് ലക്ഷം രൂപ വീതം സാമ്പത്തിക സഹായം നല്കുമെന്നതാണ് പ്രധാന പ്രഖ്യാപനം. സ്വയംതൊഴില്, സംരംഭകത്വം, സാമ്പത്തിക വളര്ച്ച എന്നിവ പ്രോത്സാഹിപ്പിക്കുന്നത് ലക്ഷ്യമിട്ടാണ് എന്ഡിഎ 3.0 സര്ക്കാര് പദ്ധതി നടപ്പാക്കുന്നതെന്ന് ഹിമന്ത ബിശ്വ ശര്മ്മ സാമൂഹ്യ മാധ്യമങ്ങളില് പങ്കുവെച്ച കുറിപ്പില് വ്യക്തമാക്കി.
യുവാക്കളെ തൊഴിലന്വേഷകരില് നിന്ന് തൊഴില് ദാതാക്കളായി മാറാന് പ്രോത്സാഹിപ്പിക്കുന്നതിലൂടെ സ്വയംപര്യാപ്ത ആസാം കെട്ടിപ്പടുക്കുക എന്ന സര്ക്കാരിന്റെ വിശാലമായ കാഴ്ചപ്പാടിന്റെ ഭാഗമാണ് ഈ സംരംഭം. മികച്ച ഭാവി ഒരു വാഗ്ദാനമല്ല, അത് തങ്ങളുടെ ദൗത്യമാണ്. സംസ്ഥാനത്തുടനീളമുള്ള യുവാക്കളെയും തൊഴില്ദാതാക്കളെയും’ പിന്തുണ യ്ക്കാന് സര്ക്കാര് പ്രതിജ്ഞാബദ്ധമാണെന്നും ഹിമന്ത ബിശ്വ ശര്മ്മ കൂട്ടിച്ചേര്ത്തു. അഞ്ചു വര്ഷത്തിനുള്ളില് തേയിലത്തോട്ടങ്ങളിലെ തൊഴിലാളികളുടെ പ്രതിദിന വേതനം 500 രൂപയാക്കി ഉയര്ത്തും. കാര്ഷിക മേഖലയ്ക്ക് കൂടുതല് പിന്തുണ, അനധികൃതമായി കയ്യേറിയ ഭൂമി ഒഴിപ്പിക്കല് തുടങ്ങിയ പ്രഖ്യാപനങ്ങളും അദ്ദേഹം നടത്തിയിട്ടുണ്ട്.
