ചെന്നൈ: ദാരിദ്യത്തില് ആണ് വളര്ന്നതെന്നും വിശപ്പ് എന്തെന്നത് അറിയാമെന്നുമുളള സൂപ്പര് താരവും നിലവില് തമിഴ്നാട് മുഖ്യമന്ത്രിയുമായ വിജയുടെ അവകാശവാദത്തെ ചോദ്യം ചെയ്ത് സാമൂഹ്യമാധ്യങ്ങളില് നിരവധി പേരാണ് രംഗത്ത് വന്നിട്ടുളളത്.മുഖ്യമന്ത്രിയായി ചുമതലയേറ്റ ശേഷമുളള ആദ്യ പൊതുസമ്മേളനത്തിലാണ് വിജയ് ദാരിദ്യവും വിശപ്പുമൊക്കെ പരാമര്ശിച്ചത്.
മനു ജോസഫ് എന്ന ആളുടെ ഫേസ്ബുക്ക് പോസ്റ്റില്, വിജയ് ലയോള സ്കൂളില് തന്റെ ഒപ്പം പഠിച്ചതാണെന്നും വിശപ്പ് അറിഞ്ഞാണ് വളര്ന്നതെന്നതുമൊക്കെ പറയുന്നത് കളവാണെന്നും പറയുന്നു.വിജയുടെ അച്ഛന് സിനിമാ നിര്മ്മാതാവായിരുന്നു.അദ്ദേഹമാണ് വിജയെ സിനിമയിലെത്തിച്ചത്.
സാമ്പത്തിക പ്രയാസമുണ്ടാകുന്ന ഘട്ടങ്ങള് ഉണ്ടായിരുന്നിരിക്കാം. അത് നിരവധി സിനിമാ നിര്മ്മാതാക്കള്ക്ക് ഉണ്ടായിട്ടുണ്ട്. എന്നാല് അത് ദാരിദ്ര്യത്തിന്റെ പരിധിയില് പെടുത്താനാകില്ല.സമ്പന്നരായവര് ഇങ്ങനെ ദാരിദ്യം അനുഭവിച്ചു എന്ന് വാദിക്കുന്നത് അംഗീകരിക്കാനാകില്ലെന്ന് മനു ജോസഫ് കുറിച്ചു.വിജയെ പരിഹസിച്ച് നിരവധി പേര് പോസ്റ്റില് പ്രതികരിച്ചിട്ടുണ്ട്.
