ബെംഗളൂരു: കര്ണ്ണാടകയില് പ്രധാനമന്ത്രി മോദിയുടെ പരിപാടി നടക്കുന്ന സ്ഥലത്തിനടുത്ത് നിന്നും രണ്ട് ജെലാറ്റിന് സ്റ്റിക്കുകള് കണ്ടെത്തിയ സംഭവം ഭീതിപരത്തി. പ്രധാനമന്ത്രി മോദി എച്ച് എഎല് വിമാനത്താവളത്തില് നിന്നും കനക് പുര റോഡിലുള്ള ശ്രീശ്രീ രവിശങ്കറിന്റെ ആര്ട് ഓഫ് ലിവിംഗ് ആശ്രമത്തിലേക്ക് പോകുന്ന വഴിയിലാണ് ജെലാറ്റിന് സ്റ്റിക്കുകള് കണ്ടെത്തിയത്. സംഭവവുമായി ബന്ധപ്പെട്ട് . സംശയമുള്ള ഒരാളെ കസ്റ്റഡിയിലെടുത്ത് പൊലീസ് ചോദ്യം ചെയ്തുവരികയാണ്. പക്ഷെ പ്രധാനമന്ത്രിയുടെ സുരക്ഷാകാര്യങ്ങളിലെ വീഴ്ചയുണ്ടെന്നത് ഏറെ ആശങ്കയുളവാക്കുന്നു. ബെംഗളൂരു നഗരത്തില് നിന്നും 30 കിലാമീറ്റര് മാത്രം അകലെയാണ് കനക് പുര റോഡിലെ ശ്രീ ശ്രീ രവിശങ്കറുടെ ആശ്രമം.
ബെംഗളൂരുവില് നിന്നും 30 കിലോമീറ്റര് അകലെയുള്ള കനക് പുര റോഡിലുള്ള ശ്രീ ശ്രീ രവിശങ്കറിന്റെ ആശ്രമത്തിന് 45 വര്ഷം തികയുന്ന പരിപാടിയില് പങ്കെടുക്കാനാണ് മോദി എത്തിയത്. മോദിയ്ക്കെതിരെ കൂടെക്കൂടെ വധഭീഷണികള് ഉയരുന്ന പശ്ചാത്തലത്തില് ഈ സംഭവം ആശങ്ക ഉണര്ത്തുന്നു.
പ്രധാനമന്ത്രിയുടെ പരിപാടി നടക്കുന്ന സ്ഥലത്തിന് മൂന്ന് കിലോമീറ്റര് അകലെ കാഗലി പുരയിലാണ് ജെലാറ്റിന് സ്റ്റിക്കുകള് കണ്ടെടുത്തത്. കാഗലിപുരയ്ക്ക് അടുത്തുള്ള ആശ്രമത്തിനടുത്ത് നിന്നാണ് ജെലാറ്റിന് സ്റ്റിക്കുകള് കണ്ടെത്തിയത്. ഇത് ഏതെങ്കിലും കരിങ്കല് ക്വാറി ഉപയോഗത്തിനായി സൂക്ഷിച്ച ജെലാറ്റിന് സ്റ്റിക്കുകളാണോ അതോ പ്രധാനമന്ത്രിയെ അപായപ്പെടുത്താനുള്ള പരിപാടിയുടെ ഭാഗമായി കൊണ്ടുവന്നുവെച്ച ജെലാറ്റിന് സ്റ്റിക്കുകളാണോ എന്നാണ് സ്ഥിരീകരിക്കേണ്ടത്.
മോദി എത്തുന്നതിന് തൊട്ടുമുന്പ് നടത്തിയ ഒരു പതിവ് സുരക്ഷാപരിശോധനയ്ക്കിടയിലാണ് ജെലാറ്റിന് സ്റ്റിക്കുകള് കണ്ടെത്തിയത്. നടപ്പാതയ്ക്കടുത്തായാണ് ജെലാറ്റിന് സ്റ്റിക്കുകള് കണ്ടെത്തിയത്. സുരക്ഷാ ഉദ്യോഗസ്ഥര് ഉടനെ ഈ സ്ഥലം വളഞ്ഞു. ബോംബ് നിര്വ്വീര്യമാക്കുന്ന സംഘവും ഫോറന്സിക് സംഘവും സ്ഥലത്തെത്തി പരിശോധനകള് നടത്തി.
ഈ സംഭവത്തെക്കുറിച്ച് പൊലീസ് വിശദമായ അന്വേഷണം നടത്തി. സംശയിക്കുന്ന ഒരാളെ കസ്റ്റഡിയില് എടുത്ത് ചോദ്യം ചെയ്തുവരികയാണ്. എങ്ങിനെ ജെലാറ്റിന് സ്റ്റിക്കുകള് ഈ സ്ഥലത്തെത്തി, ഇതിന് പിന്നില് വലിയ ഗൂഢാലോചനയുണ്ടോ എന്ന കാര്യങ്ങള് അന്വേഷിച്ചുവരികയാണ്. ശ്രീശ്രീ രവിശങ്കറിന്റെ ആശ്രമത്തിന് 45 വയസ്സ് തികയുന്ന മുഹൂര്ത്തത്തില് ചടങ്ങില് പങ്കെടുക്കാന് എത്തിയതായിരുന്നു പ്രധാനമന്ത്രി.
