കൊച്ചി: കണ്ണൂരില് ആറളം ഫാമില് ജനങ്ങളുടെ ജീവന് ഭീഷണിയായി മാറിയ ‘കെഎം ഒന്ന്’ എന്ന കാട്ടാനയെ നിരന്തരമായി നിരീക്ഷിക്കണമെന്ന് ഹൈക്കോടതി. ആനയുടെ ആക്രമണ ഭീഷണി ചൂണ്ടിക്കാട്ടി സമര്പ്പിച്ച ഉപ ഹര്ജിയിലാണ് ഡിവിഷന് ബെഞ്ചിന്റെ നിര്ദ്ദേശം. ജസ്റ്റിസ് ദേവന് രാമചന്ദ്രനും ജസ്റ്റിസ് എസ് ഈശ്വരനും ഉള്പ്പെട്ട ബെഞ്ചാണ് ഹര്ജി പരിഗണിച്ചത്.
ഓരോ മനുഷ്യജീവനും വിലപ്പെട്ടതാണെന്ന് കോടതി ഓര്മ്മിപ്പിച്ചു.ഫെബ്രുവരിയില് അനീഷ് എന്നയാള് ആനയുടെ ആക്രമണത്തില് കൊല്ലപ്പെട്ട സംഭവവും ഹര്ജിക്കാരനായ ബൈജു പോള് മാത്യു കോടതിയുടെ ശ്രദ്ധയില്പ്പെടുത്തി. ആറളം ഫാമിലെ വന്യജീവി ആക്രമണങ്ങള് തടയാന് നിരന്തര മേല്നോട്ടം വേണമെന്ന് ഹൈക്കോടതി നേരത്തെയും നിര്ദേശിച്ചിരുന്നത് ഹര്ജിക്കാരന് കോടതിയെ അറിയിച്ചു.ആറളം ഫാമിന് വേണ്ടി ഹാജരായ അഭിഭാഷകനും ഈ വാദം അംഗീകരിച്ചു.
തുടര്ന്നാണ് ആനയെ സ്ഥിരമായി നിരീക്ഷിക്കാന് കോടതി നിര്ദേശം നല്കിയത്. കേസ് മേയ് 20ന് വീണ്ടും പരിഗണിക്കും. ആറളം ഫാമുമായി ബന്ധപ്പെട്ട വിഷയങ്ങളില് ഫലപ്രദമായ നടപടി സ്വീകരിക്കണമെന്ന് ചീഫ് സെക്രട്ടറിയുള്പ്പെടെയുള്ള ഉദ്യോഗസ്ഥരെ ഓണ്ലൈനായി ഹാജരാക്കി ഹൈക്കോടതി നേരത്തേ നിര്ദേശിച്ചിരുന്നു.
