പാലാ: പയപ്പാര് ശ്രീധര്മ്മ ശാസ്താ ക്ഷേത്രത്തിലെ ഉപദേശക സമിതിയുടെ കാലാവധി കഴിഞ്ഞിട്ട് ഏഴ് മാസം. പുതിയ സമിതിയെ തെരഞ്ഞെടുക്കാന് ദേവസ്വം ബോര്ഡിന് ഇനിയും കഴിഞ്ഞിട്ടില്ല. പയപ്പാര് ക്ഷേത്രത്തിന്റെ ചുമതലയുള്ള ഉദ്യോഗസ്ഥരുടെ അലംഭാവമാണ് ക്ഷേത്രോപദേശക സമിതിയെ തെരഞ്ഞെടുക്കാന് വൈകുന്നതെന്ന് കാട്ടി ദേവസ്വം ബോര്ഡ് പ്രസിഡന്റിന് പരാതി നല്കിയിരിക്കുകയാണ് ഭക്തജനങ്ങള്.
കഴിഞ്ഞ നവംബറില് നിലവിലെ ഉപദേശക സമിതിയുടെ കാലാവധി തീര്ന്നതാണ്. പുതിയ ഭരണസമിതിയിലേക്ക് തെരഞ്ഞെടുക്കുന്നതിനുവേണ്ടി പതിനഞ്ചോളം പേ ര് രംഗത്ത് വന്നിരുന്നു. ദേവസ്വം ബോര്ഡിന്റെ പുതിയ നിര്ദ്ദേശ പ്രകാരം ഇവര്ക്ക് പോലീസ് ക്ലിയറന്സ് സര്ട്ടിഫിക്കറ്റും എടുത്തിരുന്നു. ഈ സര്ട്ടിഫിക്കറ്റിന്റെ കാലാവധി ആറ് മാസമാണ്.
ദേവസ്വം ബോര്ഡ് ഉദ്യോഗസ്ഥരുടെ അലംഭാവം മൂലം യഥാസമയം ക്ഷേത്രോപദേശക സമിതി രൂപീകരിക്കാന് കഴിഞ്ഞില്ലെങ്കില് വീണ്ടും ഭക്തര്ക്ക് പോലീസ് ക്ലിയറന്സ് സര്ട്ടിഫിക്കറ്റിനായി 700 രൂപാ മുടക്കേണ്ടി വരും.ക്ഷേത്രത്തിലെ പ്രതിഷ്ഠാദിന ഉത്സവം അടുത്തു വരുന്ന സാഹചര്യത്തില് ഉപദേശക സമിതി രൂപീകരിച്ചില്ലെങ്കില് പ്രതിഷ്ഠാദിന ചടങ്ങ് പേരിന് മാത്രമാകുമെന്നാണ് ഭക്തജനങ്ങളുടെ ആശങ്ക.
