ലണ്ടന്: ആഷസ് പരമ്പരയ്ക്ക് ശേഷം ഇംഗ്ലണ്ട് ക്യാപ്റ്റന് ബെന് സ്റ്റോക്സ് ഇന്ന് മുതല് വീണ്ടും കളിച്ചു തുടങ്ങും. കൗണ്ടി ക്രിക്കറ്റില് ഇന്ന് ഡുര്ഹാമിന് വേണ്ടിയാണ് വിശ്രമത്തിന് ശേഷം ആദ്യ മത്സരത്തിനിറങ്ങുക. വിഖ്യാതമായ ഇംഗ്ലീഷ് കൗണ്ടി ക്രിക്കറ്റില് ഇന്ന് ഡുര്ഹാമിന് വേണ്ടി വോഴ്സെസ്റ്റര്ഷൈറിന് എതിരെയാണ് കളിക്കാനിറങ്ങുക.
കഴിഞ്ഞ നവംബര്, ഡിസംബര് മാസങ്ങളിലായി ഓസ്ട്രേലിയയില് നടന്ന ആഷസ് പരമ്പരയില് ബെന് സ്റ്റോക്സിന് കീഴിലുള്ള ഇംഗ്ലണ്ട് വമ്പന് പരാജയമാണ് ഏറ്റുവാങ്ങിയത്. 1-4നായിരുന്നു ഇംഗ്ലണ്ടിന്റെ തോല്വി. മാസങ്ങളുടെ വിശ്രമത്തിന് ശേഷം സ്റ്റോക്സ് ഇന്ന് ബാറ്റിങ്ങിന് പുറമെ ബൗളിങ്ങിനും ഒരുക്കമാണെന്ന് അറിയിച്ചു. ബൗളിങ് ചെയ്യാനായിരുന്നു 34കാരനായ സ്റ്റോക്സ് വലിയ ബുദ്ധിമുട്ട് നേരിട്ടത്. ശസ്ത്രക്രിയ അടക്കമുള്ളവയ്ക്ക് വിധേയനായിക്കൊണ്ടുള്ള വിശ്രമത്തിലേക്കാണ് സ്റ്റോക്സ് മാറി നിന്നത്.
