കാഞ്ഞങ്ങാട്: കേരള ബാസ്കറ്റ്ബോള് അസോസിയേഷന്റെ ആഭിമുഖ്യത്തില് കാസര്കോട് ജില്ലാ ബാസ്കറ്റ്ബോള് അസോസിയേഷന് കാഞ്ഞങ്ങാട് സംഘടിപ്പിക്കുന്ന 42-ാമത് കേരള സംസ്ഥാന യൂത്ത് ബാസ്കറ്റ്ബോള് ചാമ്പ്യന്ഷിപ്പില് ആവേശകരമായ ലീഗ് റൗണ്ട് മത്സരങ്ങള് പൂര്ത്തിയായതോടെ ക്വാര്ട്ടര് ഫൈനല് പോരാട്ടങ്ങള്ക്ക് തുടക്കമായി.
നിലവിലെ ചാമ്പ്യന്മാരായ തൃശൂരും (ആണ്കുട്ടികള്) കോഴിക്കോടും (പെണ്കുട്ടികള്) കരുത്തുറ്റ പ്രകടനത്തോടെ ക്വാര്ട്ടര് ഫൈനലില് പ്രവേശിച്ചു. ആണ്കുട്ടികളുടെ വിഭാഗത്തില് തൃശൂര്, തിരുവനന്തപുരം, കോട്ടയം, എറണാകുളം, പാലക്കാട്, കണ്ണൂര് എന്നീ ടീമുകള് അവസാന എട്ടില് ഇടംപിടിച്ചു. ശേഷിക്കുന്ന രണ്ട് സ്ഥാനങ്ങള്ക്കായുള്ള പോരാട്ടം നാളെ രാവിലത്തെ മത്സരങ്ങളോടെ പൂര്ത്തിയാകും. പെണ്കുട്ടികളുടെ വിഭാഗത്തില് കോഴിക്കോട്, കണ്ണൂര്, ആലപ്പുഴ, എറണാകുളം, തൃശൂര്, തിരുവനന്തപുരം, കൊല്ലം, കോട്ടയം എന്നീ ടീമുകള് ക്വാര്ട്ടര് ഉറപ്പിച്ചു.
ലീഗ് മത്സരങ്ങളില് ഗ്രൂപ്പ് എ ആണ്കുട്ടികളില് തിരുവനന്തപുരവും തൃശ്ശൂരും ഗ്രൂപ്പില് തങ്ങളുടെ രണ്ടാം ജയം നേടി ആജ്യരായി മുന്നേറുന്നു തിരുവനന്തപുരം മലപ്പുറത്തെ 65-30 എന്ന സ്കോറിന് പരാജയപ്പെടുത്തി,യപ്പോള്, തൃശ്ശൂര് ഇടുക്കിയെ 70-23 എന്ന സ്കോറിന് പരാജയപ്പെടുത്തി.
ഗ്രൂപ്പ് ബിയില് പാലക്കാടിനെ 56-26 എന്ന സ്കോറിന് തോല്പ്പിച്ച് എറണാകുളം മികവ് പ്രകടിപ്പിച്ചു, എന്നാല് വൈകുന്നേരം ആലപ്പുഴയോട് (5459) തോറ്റു. ഇരു ടീമുകളും പാലക്കാടിനാതീരേ നേടിയ വിജയത്തില് ക്വാര്ട്ടര് ഫൈനലില് പ്രവേശിച്ചു.
ഗ്രൂപ്പ് സിയില് തിരുവനന്തപുരം മലപ്പുറത്തിനെ 53-36 എന്ന സ്കോറിന് പരാജയപ്പെടുത്തി. ക്വാര്ട്ടര് ഫൈനലില് തൃശൂരിനൊപ്പം യോഗ്യത നേടി. ഗ്രൂപ്പ് ഡിയില് കൊല്ലം പത്തനംതിട്ടയെ (39-12) പരാജയപ്പെടുത്തി കോട്ടയത്തിനൊപ്പം ക്വാര്ട്ടര് ഫൈനലിലേക്ക് യോഗ്യത നേടി. മെയ് 10-നാണ് ഫൈനല് മത്സരങ്ങള് നടക്കുക.
