മുംബൈ: ഇന്ത്യന് ക്രിക്കറ്റ് ടീമിന്റെ നായക സ്ഥാനം ഒഴിഞ്ഞതിന് പിന്നാലെ രോഹിത് ശര്മ്മയുടെ ബാറ്റിങ്ങ് വീണ്ടും തിളക്കമാര്ന്നതായിരിക്കുന്നു.
ഭാരത ക്രിക്കറ്റ് ടീം മുന് നായകന് സുനില് ഗവാസ്കറാണ് രോഹിത്ത് ശര്മ്മയുടെ ശക്തമായ തിരിച്ചുവരവിനെ പ്രകീര്ത്തിച്ചിരിക്കുന്നത്. അജിത് അഗര്ക്കറുടെ നേതൃത്വത്തില് എടുത്ത, നായക സ്ഥാനം ഒഴിവാക്കാനുള്ള തീരുമാനം രോഹിത്തിന് കൂടുതല് സ്വാതന്ത്ര്യവും മാനസികാശ്വാസവും നല്കിയെന്നാണ് ഗവാസ്കറുടെ വിലയിരുത്തല്. തിങ്കളാഴ്ച നടന്ന ഐപിഎല് മത്സരത്തില്, മുബൈ ഇന്ത്യന്സിന് നിര്ണായക ജയം സമ്മാനിച്ചത് രോഹിത്തിന്റെ കരുത്തുറ്റ ഇന്നിംഗ്സായിരുന്നു. ലഖ്നൗവിനെതിരെ 44 പന്തില് 84 റണ്സ് നേടിയാണ് താരം കളിയുടെ ഗതി തിരിച്ചത്.
ഒരു ഇടവേളക്ക് ശേഷം രോഹിത്തിന്റെ ബാറ്റില് നിന്ന് വന്ന പ്രകടനം ആരാധകര്ക്ക് വലിയ പ്രതീക്ഷയാണ് നല്കിയത്. ‘നായക സ്ഥാനത്തിന്റെ സമ്മര്ദ്ദമില്ലാതായപ്പോള് രോഹിത് കൂടുതല് സ്വതന്ത്രമായി കളിക്കുന്നുണ്ട്’. അതാണ് ഇപ്പോള് കാണുന്നതെന്നാണ് സുനില് ഗവാസ്കര് അഭിപ്രായപ്പെട്ടത്. ഉത്തരവാദിത്വങ്ങളുടെ ഭാരം കുറയുമ്പോള് താരത്തിന്റെ ആക്രമണ ശൈലിയിലുള്ള ബാറ്റിങ്ങ് ഫോം തിരികെ പുറത്തുവരുന്നതാണെന്നും അദ്ദേഹം കൂട്ടിച്ചേര്ത്തു. ഈ പ്രകടത്തോടെ, ഐപിഎല് സീസണില് വീണ്ടും ശക്തമായ തിരിച്ചുവരവിനുള്ള സൂചനയാണ് രോഹിത് നല്കിയിരിക്കുന്നത്. ടീമിനും ആരാധകര്ക്കും ഒരു പോലെ ആവേശം നല്കുന്ന പ്രകടനമായിരുന്നു രോഹിത്തിന്റെത്.
