ഹരിപ്പാട്: ഹരിപ്പാട് നിയമസഭ മണ്ഡലത്തില് വോട്ട് ഇരട്ടിയാക്കി ബിജെപി സ്ഥാനാര്ത്ഥി സന്ദീപ് വാചസ്പതി. 2021ല് ബിജെപി സ്ഥാനാര്ത്ഥിക്ക് ലഭിച്ച 17890 വോട്ടില് നിന്ന് 31022 വോട്ടായി സന്ദീപ് വാചസ്പതി ഉയര്ത്തി. 11.88 ശതമാനത്തില് നിന്ന് 21.42 ശതമാനമായി ബിജെപിയുടെ വോട്ട് വിഹിതം മാറി.
നിയമസഭ തെരഞ്ഞെടുപ്പില് ആദ്യമായാണ് ബിജെപിക്ക് ഇത്രയും വോട്ട് മണ്ഡലത്തില് ലഭിക്കുന്നത്. വിജയിച്ചെങ്കിലും രമേശ് ചെന്നിത്തലയുടെ വോട്ട് 2021ല് ലഭിച്ചതിനേക്കാള് 4584 വോട്ടു കുറഞ്ഞു. 48.31 ശതമാനത്തില് നിന്ന് 47.08 ശതമാനമായി കുറഞ്ഞു. എല്ഡിഎഫ് സ്ഥാനാര്ത്ഥിയുടെ വോട്ടിലും വലിയ കുറവുണ്ട്. 2021ല് 59102 വോട്ട് ലഭിച്ചിടത്ത് ഇക്കുറി 44807 വോട്ട് മാത്രമാണ് ലഭിച്ചത്. 14295 വോട്ടിന്റെ കുറവ്. 39.24 ശതമാനത്തില് നിന്നും 30.94 ശതമാനമായി വോട്ടു കുറഞ്ഞു.
മുഖ്യമന്ത്രി സ്ഥാനാര്ത്ഥിയെന്ന പരിവേഷവുമായി ഇറങ്ങിയ രമേശ് ചെന്നിത്തലയ്ക്ക് കഴിഞ്ഞ തവണത്തേക്കാള് നാലായിരത്തിലധികം വോട്ടുകളുടെ കുറവുണ്ടായിട്ടും അദ്ദേഹത്തിന് ഭൂരിപക്ഷം കൂട്ടാനായത് ഇടത് പക്ഷം കയ്യയച്ച് സഹായിച്ചത് കൊണ്ടാണെന്ന് സന്ദീപ് വാചസ്പതി പറഞ്ഞു. ഇടതു പക്ഷത്തിന് പതിനാലായിരത്തിലധികം വോട്ടുകള് കുറഞ്ഞു. ഈ വോട്ടുകള് കോണ്ഗ്രസിലേക്കു പോയതായാണ് വിലയിരുത്തലെന്നും സന്ദീപ് പറഞ്ഞു.
