തിരുവനന്തപുരം:നിയമസഭാ തിരഞ്ഞെടുപ്പ് സിപിഎമ്മിന് മാത്രമല്ല കേരള കോണ്ഗ്രസ് എമ്മിനും നല്കിയത് കനത്ത തിരിച്ചടി.മത്സരിച്ച 12 മണ്ഡലങ്ങളില് ഒന്നില് പോലും ലീഡ് നേടാന് ജോസ് കെ മാണിക്കും സംഘത്തിനും കഴിഞ്ഞില്ല.
പാര്ട്ടിയുടെ ഹൃദയഭൂമിയായ പാലായില് പാര്ട്ടി ചെയര്മാന് ജോസ് കെ മാണി തന്നെ കനത്ത പരാജയമാണ് ഏറ്റുവാങ്ങിയത്. മന്ത്രിയായിരുന്ന റോഷി അഗസ്റ്റിനും തോറ്റു.ജയപ്രതീക്ഷയുണ്ടായിരുന്ന കാഞ്ഞിരപ്പള്ളിയില് മുതിര്ന്ന നേതാവ് എന്. ജയരാജ് പരാജയപ്പെട്ടു.
പൂഞ്ഞാറില് സെബാസ്റ്റ്യന് കുളത്തുങ്കലും തോറ്റു. ദയനീയ പരാജയം നേരിട്ട ജോസ് കെ മാണിയുടെയും കേരള കോണ്ഗ്രസ് എമ്മിന്റെയും ഭാവി ഇനി എന്താകുമെന്നാണ് രാഷ്ട്രീയ കേരളം ഉറ്റു നോക്കുന്നത്.
നിയമസഭാ തിരഞ്ഞെടുപ്പിന് മുന്പ് യുഡിഎഫിലേക്ക് കേരള കോണ്ഗ്രസ് എം തിരികെ എത്തുമെന്ന അഭ്യൂഹങ്ങള് പരന്നെങ്കിലും അതുണ്ടായില്ല. 2021-ല് 12 സീറ്റില് മത്സരിച്ച പാര്ട്ടി അഞ്ച് സീറ്റിലാണ് ജയിച്ചത്. 2016-ല് യുഡിഎഫിന്റെ ഭാഗമായും അഞ്ച് സീറ്റിലാണ് പാര്ട്ടി വിജയിച്ചത്. 2021-ലെ നിയമസഭാ തിരഞ്ഞെടുപ്പിലും 2020-ലെ തദ്ദേശ തിരഞ്ഞെടുപ്പിലും കോട്ടയം ജില്ലയില് ഇടതുമുന്നണിക്ക് കേരള കോണ്ഗ്രസ് എം വലിയ നേട്ടമുണ്ടാക്കി കൊടുത്തിരുന്നു.
