ന്യൂദല്ഹി: സമുദ്ര സംഘര്ഷങ്ങള് നിലനില്ക്കുമ്പോഴും ഭാരതത്തിന്റെ എല്പിജി ടാങ്കര് വിജയകരമായി ഹോര്മൂസ് കടന്നു. 45,000 ടണ് എല്പിജിയുമായി സൂപ്പര്ടാങ്കര് സര്വ്ശക്തിയാണ് ഹോര്മൂസ് കടലിടുക്ക് കടന്നത്.
ഹോര്മൂസ് വഴിയുള്ള കപ്പല് ഗതാഗതത്തില് അനിശ്ചിതത്വം തുടരുന്ന പശ്ചാത്തലത്തില് ഇത് ഭാരതത്തെ സംബന്ധിച്ച് നിര്ണായകമാണ്.
മറൈന് ട്രാഫിക് ഡോട്കോമിന്റെ റിപ്പോര്ട്ട് അനുസരിച്ച് മാര്ച്ച് മൂന്നിന് യുഎഇയില് നിന്നാണ് കപ്പല് പുറപ്പെട്ടത്. എന്നാല് യുഎസും ഇറാനും തമ്മിലുള്ള സംഘര്ഷം രൂക്ഷമായ സാഹചര്യത്തില് ടാങ്കര് പേര്ഷ്യന് ഉള്ക്കടലിലായിരുന്നു. ഇന്ത്യന് ഓയില് കോര്പറേഷനുള്ളതാണ് കപ്പലിലുള്ള എല്പിജി.
ഭാരതത്തിന്റെ നിരവധി എണ്ണ ടാങ്കറുകള് ഹോര്മൂസ് കടന്നിട്ടുണ്ടെങ്കിലും യുഎസ് നാവിക ഉപരോധം ഏര്പ്പെടുത്തിയതിന് ശേഷമുള്ള ആദ്യത്തെ കപ്പല് എന്നതാണ് സര്വ്ശക്തിയുടെ പ്രത്യേകത. ഉപരോധം ഏര്പ്പെടുത്തിയതിന് പിന്നാലെ ഒട്ടുമിക്ക കപ്പലുകളും ഹോര്മൂസ് കടലിടുക്ക് വഴിയുള്ള സഞ്ചാരം ഒഴിവാക്കി മറ്റ് മാര്ഗങ്ങള് സ്വീകരിക്കുന്ന പശ്ചാത്തലത്തിലാണ് ഭാരതത്തിന്റെ നേട്ടം.
