തിരുവനന്തപുരം: തിരുവനന്തപുരം ജില്ലയിലെ വട്ടിയൂര്ക്കാവില് ആര്.ശ്രീലേഖയുടെ വിജയം സുനിശ്ചിതമെന്ന് പീപ്പിള്സ് ഇന്സൈറ്റ് എക്സിറ്റ് പോള്പ്രവചിക്കുന്നു. ഇവിടെ 37.95 ശതമാനം ോട്ട് ശ്രീലേഖ പിടിക്കുമെന്നാണ് എക്സിറ്റ് പോള് പറയുന്നത്. മനോരമയെപ്പോലുള്ള ബിജെപി വിരുദ്ധ മാധ്യമങ്ങള് പോലും ഇവിടെ ഇഞ്ചോടിഞ്ച് പോരാട്ടമാണ് പ്രവചിക്കുന്നത്. പക്ഷെ പീപ്പിള്സ് ഇന്സൈറ്റ് എല്ഡിഎഫ് സ്ഥാനാര്ത്ഥി വി.കെ. പ്രശാന്തിനെ ശ്രീലേഖയേക്കാള് എറെ പിന്നില് നിര്ത്തുന്നു. 29.37 ശതമാനം വോട്ട് മാത്രമാണ് എല്ഡിഎഫിന് അവര് പ്രവചിക്കുന്നത്.
മഞ്ചേശ്വരത്ത് തുടക്കം മുതലേ കെ.സുരേന്ദ്രന്റെ വിജയം പ്രവചിക്കപ്പെട്ടിരുന്നു. പക്ഷെ മനോരമ ഉള്പ്പെടെയുള്ളവര് സുരേന്ദ്രന്റേത് ബലാബലപ്പോരാട്ടം എന്ന് മാത്രമാണ് പറയുന്നത്. പീപ്പിള്സ് ഇന്സൈറ്റ് എക്സിറ്റ് പോളിലും ഇഞ്ചോടിഞ്ച് പോരാട്ടമാണ് പ്രവചിക്കുന്നത്. , കാസര്ഗോഡ് എം.എല്. അശ്വിനിക്ക് ചില എക്സിറ്റ് പോളുകള് വിജയം പ്രവചിക്കുന്നുണ്ട്. പീപ്പിള് ഇന്സൈറ്റില് അശ്വിയ്ക്ക് മുസ്ലിം ലീഗ് സ്ഥാനാര്ത്ഥി കല്ലത്ര മാഹിന്ഹാജിയും തമ്മില് 0.6 ശതമാനം വോട്ട് വ്യത്യാസം മാത്രമേയുള്ളൂ.
പാലക്കാട് ശോഭാ സുരേന്ദ്രനും എക്സിറ്റ് പോളുകള് സാധ്യത കല്പിക്കുന്നു. മലമ്പുഴയില് സി.കൃഷ്ണകുമാറിനും പൂഞ്ഞാറില് പി.സി. ജോര്ജ്ജിനും കോഴിക്കോട് സൗത്തില് ടി.റെനീഷിനും നാട്ടികയില് പി.പി. മുകുന്ദനും വോട്ടെണ്ണലില് അവസാന നിമിഷം വരെ പൊരുതിനില്ക്കുമെന്ന് തന്നെയാണ് പീപ്പിള്സ് ഇന്സൈറ്റ് ഉള്പ്പെടെയുള്ള എക്സിറ്റ് പോളുകള് പ്രവചിക്കുന്നു.
സംസ്ഥാനത്ത് വോട്ടെണ്ണലില് ശക്തമായ സ്വിംഗ് (അനുകൂല ചാഞ്ചാട്ടം) പ്രതിഫലിച്ചാല് ബിജെപി 14 സീറ്റ് വരെ പിടിക്കാം. അങ്ങിനെ വന്നാല് യുഡിഎഫിനോ എല്ഡിഎഫിനോ ഭൂരിപക്ഷമുണ്ടാകാതെ തൂക്കുമന്ത്രിസഭ വരുമെന്ന സാധ്യത പീപ്പിള്സ് ഇന്സൈറ്റ് എക്സിറ്റ് പോള് പ്രവചിക്കുന്നു. അങ്ങിനെയെങ്കില് രാജീവ് ചന്ദ്രശേഖര് കിംഗ് മേക്കറാവും.
