ന്യൂദല്ഹി: ജൂണ് മാസത്തില് അമേരിക്കയിലും ക്യാനഡയിലും മെക്സിക്കോയിലുമായി നടക്കുന്ന ഫിഫ ലോകകപ്പിന്റെ സംപ്രേഷണാവകാശം ഇതുവരെ ആരും സ്വന്തമാക്കാത്തതില് ആരാധകര് വലിയ നിരാശയിലായിരുന്നു. എന്നാല്, ഇപ്പോഴിതാ പുതിയ ഡെവലപ്പ്മെന്റ് വരുന്നു. ഫിഫ ലോകകപ്പ് ദൂരദര്ശന് സംപ്രേഷണം ചെയ്തേക്കും.
സോണി, ജിയോ സ്റ്റാര് തുടങ്ങിയവര് സംപ്രേഷണാവകാശത്തിനായി വന്തുക മുടക്കാന് തയ്യാറാകാത്തതോടെ ദൂരദര്ശന് അവകാശം നല്കിയാലോ എന്നു പരിശോധിക്കുകയാണ് ഫിഫ. ഫിഫയുടെ തന്നെ യൂട്യൂബ് ചാനലിലും സംപ്രേഷണം ചെയ്യാനുള്ള സാഹചര്യമുണ്ട്. ദൂരദര്ശന് വലിയ പ്രതിഫലമില്ലാതെയാകും ഫിഫ തങ്ങളുടെ ഫീഡുകള് നല്കാനൊരുങ്ങുന്നത്. ഭാരതത്തിലെ ഫുട്ബോള് പ്രേമം നന്നായി മനസിലാക്കുന്ന ഫിഫ, ലോകകപ്പിന്റെ വലിയ വിപണനസാധ്യതയാണ് ഇന്ത്യയില് കാണുന്നത്.
2026, 30 ലോകകപ്പുകള് ഉള്പ്പെടുത്തി 10 കോടി ഡോളറിന് ലോകകപ്പ സംപ്രേഷണാവകാശം ഇന്ത്യയിലെ ഏതെങ്കിലും ചാനലുകള്ക്ക് നല്കാന് ഫിഫ തയാറായെങ്കിലും ഇത്രയും വലിയ തുക നല്കാനാരും തയാറാകാതെ വന്നു. ഇതോടെ തുക അഞ്ചു കോടിയാക്കി കുറച്ചു. അതിലും ആരും താത്പര്യം പ്രകടിപ്പിക്കാതെ വന്നതോടെ സംപ്രേഷണാവകാശത്തിനുള്ള തുക 3.5 കോടി ഡോളറാക്കി. അതിലും ആരും വീഴാതെ വന്നതോടെയാണ് ദൂരദര്ശന്റെ സാധ്യത ഫിഫ പരിശോധിക്കുന്നത്. ലോകകപ്പിന് മുമ്പ് സംപ്രേഷണ കാര്യത്തില് തീരുമാനം ഉണ്ടാകുമെന്നാണ് കരുതുന്നത്.
