ലഖ്‌നൗ: വനിതാ സംവരണ നിയമഭേദഗതി ബിൽ തടസ്സപ്പെടുത്തിയ പ്രതിപക്ഷത്തിനെതിരേ രാജ്യവ്യാപകമായ രോഷം ശക്തമാകുന്നു. സംസ്ഥാനങ്ങളിലെല്ലാം പ്രതിപക്ഷ നിലപാടിലെ സ്ത്രീവിരുദ്ധ രാഷ്‌ട്രീയം തുറന്നുകാട്ടപ്പെടുകയാണ്.
ലഖ്‌നൗവിലെ ഉത്തർപ്രദേശ് നിയമസഭയിലേക്ക് മഹിളകൾ ഇന്ന് നടത്തിയ ‘ജൻ ആക്രോശ് മഹിളാ പദയാത്ര’ (ജനരോഷ മഹിളാ പദയാത്ര)യിൽ ഔദ്യോഗിക വസതിയിൽ നിന്ന് മുഖ്യമന്ത്രി യോഗി ആദിത്യനാഥും പങ്കെടുത്തു.
നിരവധി കാബിനറ്റ് മന്ത്രിമാർ, ബിജെപിയുടെ മുതിർന്ന നേതാക്കൾ, നിരവധി വനിതാ പ്രവർത്തകർ എന്നിവർ മാർച്ചിൽ ചേർന്നു.
മുഖ്യമന്ത്രി യോഗി ഇൻഡി സഖ്യത്തെ വിമർശിച്ച് തറപറ്റിച്ചു.
കോൺഗ്രസ്, എസ്പി, ടിഎംസി, ഡിഎംകെ എന്നിവയുടെ സ്ത്രീവിരുദ്ധ പെരുമാറ്റത്തിനെതിരെയാണ് സ്ത്രീകൾ നയിക്കുന്ന പദയാത്ര നടത്തുന്നതെന്ന് സമ്മേളനത്തെ അഭിസംബോധന ചെയ്തുകൊണ്ട് മുഖ്യമന്ത്രി യോഗി പറഞ്ഞു.
‘കോൺഗ്രസ്, എസ്പി, ടിഎംസി, ഡിഎംകെ, ഇൻഡി സഖ്യത്തിലെ മറ്റ് പാർട്ടികൾ എന്നിവയ്‌ക്കെതിരെയാണ് സ്ത്രീകൾ നയിച്ച ഈ പ്രതിഷേധ റാലി നടന്നത്. അവരുടെ സ്ത്രീവിരുദ്ധ പ്രതിച്ഛായ ഇല്ലാതാക്കാൻ പ്രധാനമന്ത്രി മോദി നൽകിയ അവസരം അവർ ദുരുപയോഗം ചെയ്തു. 2029 ഓടെ വനിതാ സംവരണം നടപ്പിലാക്കാൻ പ്രധാനമന്ത്രി മോദിയും ആഭ്യന്തരമന്ത്രി അമിത് ഷായും ഉദ്ദേശിച്ചിരുന്നു, എന്നാൽ എസ്പിയും കോൺഗ്രസും അതിനെ എതിർത്ത രീതി അവരുടെ സ്ത്രീവിരോധ മനോഭാവം പ്രകടമാക്കി. ഇന്ന്, ജനസംഖ്യയുടെ പകുതിയും (സ്ത്രീകളെ പരാമർശിച്ച്) അവർക്കെതിരെ പ്രതിഷേധിക്കാൻ തെരുവിലിറങ്ങിയിരിക്കുന്നു,’ അദ്ദേഹം പറഞ്ഞു.
