ബിജെപി വനിത എംപിമാരുടെ നേതൃത്വത്തില് ദല്ഹിയില് രാഹുല് ഗാന്ധിയുടെ വസതിയിലേക്ക് നടന്ന പ്രതിഷേധ മാര്ച്ച് (നടുവില്) ബിജെപി എംപിയും കേന്ദ്രമന്ത്രിയുമായ രക്ഷാ ഖാഡ്സെയും ബിജെപി എംപി ബാംസുരി സ്വരാജും അറസ്റ്റ് വരിയ്ക്കുന്നു (വലത്ത്)
ന്യൂദല്ഹി:: ഇനിയങ്ങോട്ട് രാഹുല് ഗാന്ധിയ്ക്ക് ഉറക്കമില്ലാ രാത്രികള്. പ്രതിപക്ഷ നേതാവായി സമരം മാത്രം ചെയ്ത് ജീവിച്ച രാഹുല് ഗാന്ധി ഇനി രാജ്യമെമ്പാടും വനിതകളുടെ പ്രതിഷേധം നേരിടേണ്ടി വരും. സ്ത്രീകള്ക്ക് കൂടുതല് അധികാരം നല്കുന്ന വനിതാസംവരണ ബില്ല് പാസാക്കാന് അനുവദിക്കാത്തതിന്റെ പേരില് രാജ്യമെമ്പാടും ബിജെപി വനിതാ പ്രവര്ത്തകരുടെ പ്രതിഷേധം വരും നാളുകളില് നടക്കും. ഇവര്ക്കൊപ്പം വനിതാസ്വാതന്ത്ര്യവും വനിതകളുടെ അധികാരവും ആഗ്രഹിക്കുന്ന മറ്റ് വനിതകളും കൂടി ഈ സമരത്തില് അണിചേരുന്നതോടെ ഇത് വനിതാ സംവരണബില്ലിനെ തോല്പിച്ച പ്രതിപക്ഷപാര്ട്ടികള്ക്കെതിരായ രോഷക്കടലായി മാറും.
വനിതകള്ക്ക് ലോക് സഭയില് 33 ശതമാനം സംവരണം അനുവദിക്കുന്ന വനിതാസംവരണ ബില് പരാജയപ്പെടുത്തിയ രാഹുല്ഗാന്ധിയുടെ വസതിയിലേക്ക് ശനിയാഴ്ച ദല്ഹിയില് ബിജെപി വനിതാ എംപിമാരുടെ നേതൃത്വത്തില് വനിതകളുടെ പ്രതിഷേധ മാര്ച്ച് നടന്നു. ഇവര് രാഹുല് ഗാന്ധിയുടെ കോലവും കത്തിച്ചു.
ബിജെപി എംപിയും കേന്ദ്രസഹമന്ത്രിയായ രക്ഷാ ഖാഡ്സെ, ബിജെപി എംപി ബാംസുരി സ്വരാജ് എന്നിവരെ ദല്ഹി പൊലീസ് അറസ്റ്റ് ചെയ്തു. ഇനിയങ്ങോട്ട് രാഹുല് ഗാന്ധിയ്ക്കും കോണ്ഗ്രസിനും എതിരായ വനിതകളുടെ രോഷമാണ് ഭാരതം കാണാന് പോകുന്നതെന്ന് ബിജെപി വനിതാ എംപിമാര് പറഞ്ഞു.
രാജ്യമൊട്ടാകെ വിവിധ സംസ്ഥാനങ്ങളില് വനിതാസംവരണ ബില്ലിനെ വോട്ടെടുപ്പിലൂടെ തോല്പിച്ച കോണ്ഗ്രസ് നടപടിയ്ക്കെതിരെ വനിത ബിജെപി നേതാക്കളുടെ രോഷം വരും നാളുകളില് ഇരമ്പും.
