കോഴിക്കോട് : മൂഴിക്കലില് 16 കാരി നസ്രീനയെ കൊലപ്പെടുത്തിയ ശേഷം ആത്മഹത്യ ചെയ്ത അദ്നാന്റെ സുഹൃത്തുക്കളെ അന്വേഷണ സംഘം ചോദ്യം ചെയ്യും. കൊലപാതകത്തില് ഗൂഢാലോചന ഉണ്ടോ എന്ന് പരിശോധിക്കും. അദ്നാന്റെ മൊബൈല് ഫോണും പൊലീസ് വിശദ പരിശോധനക്ക് വിധേയമാക്കും.
കഴിഞ്ഞ ദിവസം പുലര്ച്ചെയാണ് കോഴിക്കോട് മൂഴിക്കലിലെ നസ്രീന കൊലപ്പെട്ടത്. തുണി കഴുത്തില് മുറുക്കി ശ്വാസംമുട്ടിച്ചാണ് കൊലപാതകമെന്നാണ് പ്രാഥമിക പോസ്റ്റുമോര്ട്ടം റിപ്പോര്ട്ട്. പെണ്കുട്ടിയുടെ മുത്തശിയെ ശ്വാസം മുട്ടിച്ച് കൊലപ്പെടുത്താനും ബന്ധുവായ അദ്നാന് ശ്രമിച്ചു. പിന്നാലെ യുവാവ് ആത്മഹത്യ ചെയ്തു. അദ്നാന്റെ മരണം ആത്മഹത്യയെന്നാണ് പ്രാഥമിക പോസ്റ്റ്മോര്ട്ടം റിപ്പോര്ട്ടില് പറയുന്നത്. മോഷണ ശ്രമത്തിനിടെയുണ്ടായ കൊലപാതകം എന്നാണ് പൊലീസ് നിഗമനം. നസ്രീനയോട് അദ്നാന് വൈരാഗ്യം ഉണ്ടായിരുന്നതായും അന്വേഷണം സംഘം പറയുന്നു.
Mഈ പകയാണോ കൊലപാതകത്തിന് കാരണം എന്നും പരിശോധിക്കുന്നുണ്ട്. ഇതിന്റെ ഭാഗമായാണ് അദ്നാന്റെ അടുത്ത സുഹൃത്തുക്കളെ ചോദ്യം ചെയ്യുന്നത്.
ഡ്യൂപ്ലിക്കേറ്റ് താക്കോല് ഉപയോഗിച്ച് തുറന്നാണ് അദ്നാന് വീടിനകത്ത് കയറിയത്. വൈകിട്ട് ഏഴരയോടെയാണ് യുവാവ് വീട്ടിലെത്തിയെന്ന് പുറത്തുവന്ന ദൃശ്യങ്ങളില് നിന്ന് വ്യക്തമായിട്ടുണ്ട്.
