തിരുവല്ല: 50 ശതമാനത്തില് കൂടുതല് ഹിന്ദുവോട്ടര്മാരുള്ള തിരുവല്ലയില് ബിജെപിയ്ക്ക് അനുകൂലമായി വോട്ട് ഏകീകരണം നടന്നാല് അനൂപ് ആന്റണി തിരുവല്ലയില് വന്അട്ടിമറി നടത്തും.
“ഇന്ത്യ മുഴുവന് അനൂപ് ആന്റണി ഓടി നടക്കുകയായിരുന്നു. ഇയാളെ ഞാന് നിങ്ങള്ക്ക് സംഭാവന ചെയ്യുകയാണ്”.- തുടങ്ങി മോദി വൈകാരികമായി അനൂപ് ആന്റണിയെക്കുറിച്ച് പ്രസംഗിച്ചത് കൃത്യമായ കണക്കുകൂട്ടലോടെയാണെന്ന് പറയുന്നു. ഇത് ഹിന്ദു വോട്ടുകള് പാര്ട്ടി വിഭജനത്തിനപ്പുറം ഏകീകരിക്കപ്പെടാന് സാധ്യതയുള്ളതായി പറയുന്നു. മണ്ഡലത്തിലെ ഹിന്ദുസമവാക്യം കൃത്യമായി അറിഞ്ഞുകൊണ്ടുതന്നെയാണ് നരേന്ദ്രമോദി ഇക്കാര്യം പറഞ്ഞിട്ടുള്ളതെന്ന് പറയുന്നു.
മാത്രമല്ല ക്രിസ്ത്യന് സഭയ്ക്കും 13 ശമതാനം വോട്ടുണ്ട്. ഇവിടെ ക്രിസ്തീയ സഭയുടെ നല്ലൊരു ശതമാനം വോട്ടുകള് അനൂപ് ആന്റണിക്ക് കിട്ടാന് സാധ്യതയുണ്ട്. അതായത് ക്രിസ്ത്യന് സഭാവോട്ടുകള് വിഭജിക്കുമെന്നര്ത്ഥം. ക്രിസ്ത്യന് സഭാ നേതൃത്വത്തിന്റെ പൊതുരീതി അധികാരത്തോട് ചേര്ന്ന് നില്ക്കുക എന്നതാണ് അവരുടെ രീതി. മാത്യ ടി തോമസും വര്ഗ്ഗീസ് മാമ്മനും ക്രിസ്ത്യന് സ്ഥാനാര്ത്ഥികളാണ്. ഇവര് ഇരുവരും ഒരു പ്രത്യേക സമുദായത്തില് നിന്നുള്ളവരായതിനാല് ക്രിസ്ത്യന് സഭാ വോട്ടുകള് വിഭജിക്കപ്പെടുമെന്ന് കരുതുന്നു.
