പാലക്കാട്: എന് ഡി എ സ്ഥാനാര്ഥി ശോഭ സുരേന്ദ്രന് വോട്ടിനായി പണം നല്കിയെന്ന ആരോപണത്തില്, പണം വാങ്ങിയെന്ന് ആരോപിക്കപ്പെടുന്ന വയോധിക സംഭവം നിഷേധിച്ചുളള മൊഴി നല്കിയെന്ന് ജില്ലാ കളക്ടറുടെ അന്വേഷണ റിപ്പോര്ട്ട്. മുഖ്യ തെരഞ്ഞെടുപ്പ് ഓഫീസര്ക്ക് ജില്ലാ കളക്ടര് അന്വേഷണ റിപ്പോര്ട്ട് നല്കി. പരാതി ലഭിച്ചതിനെ തുടര്ന്ന് അതിവേഗം അന്വേഷണം നടത്തിയാണ് കളക്ടര് പ്രഥമിക റിപ്പോര്ട്ട് സമര്പ്പിച്ചത്.
സംഭവ സ്ഥലത്തെത്തി തെരഞ്ഞെടുപ്പ് ഫ്ലൈയിംഗ് സ്ക്വാഡ് അന്വേഷണം നടത്തിയതിന്റെ വിശദാംശങ്ങളും കളക്ടര് വിവരിച്ചിട്ടുണ്ട്. പ്രധാന സാക്ഷി പണം ലഭിച്ചെന്ന ആരോപണം നിഷേധിച്ചെങ്കിലും,ആരോപണത്തിന്റെ ഗൗരവം കണക്കിലെടുത്ത് വിശദമായ അന്വേഷണം വേണമെന്നാണ് ജില്ലാ തിരഞ്ഞെടുപ്പ് ഓഫീസര് കൂടിയായ കളക്ടര് റിപ്പോര്ട്ടില് പറയുന്നത്. ഈ റിപ്പോര്ട്ട് പരിശോധിച്ച് കൂടുതല് നടപടി സ്വീകരിക്കുമെന്ന് മുഖ്യ തെരഞ്ഞെടുപ്പ് ഓഫീസര് ഡോ. രത്തന് യു ഖേല്ക്കര് അറിയിച്ചു.
