തിരുവനന്തപുരം: കേരളത്തിൽ ബിജെപി അക്കൗണ്ട് തുറക്കില്ലെന്നും നേമത്ത് പോലും ജയിക്കില്ലെന്നും പ്രതിപക്ഷ നേതാവ് വി ഡി സതീശൻ. എന്നാല് ഇതിനെതിരെ സമൂഹമാധ്യമങ്ങള് ശക്തമായ പ്രതികരണങ്ങള് ഉയരുകയാണ്. ഇത് 2021 അല്ല, 2026 ആണെന്ന കാര്യം സതീശന് മറന്നുവോ എന്നാണ് സമൂഹമാധ്യമങ്ങളില് പലരും ഉയര്ത്തുന്ന ചോദ്യം. ‘സതീശന് വട്ടായിപ്പോയി’ എന്ന സിനിമാഗാനത്തിന്റെ പാരഡിയും ചിലര് പാടുന്നു. കോണ്ഗ്രസിനകത്തെ സതീശന്റെ മേധാവിത്വം വേണുഗോപാല്-ചെന്നിത്തല സഖ്യം തകര്ത്തെറിഞ്ഞതോടെ സതീശന് സ്വബോധം നഷ്ടപ്പെട്ടിരിക്കുകയാണെന്നും ചിലര് കമന്റിടുന്നു.
ഒരു ടിവി ചാനലിന് അനുവദിച്ച അഭിമുഖത്തിലാണ് പ്രതിപക്ഷ നേതാവിന്റെ ഈ വാക്കുകൾ. പാലക്കാട് ബിജെപിയെ ജയിപ്പിക്കാൻ സിപിഎം ഡീലുണ്ടെന്നും വി ഡി സതീശൻ ആരോപിച്ചു. ദുർബലനായ ആളെ സ്ഥാനാർത്ഥിയാക്കിയത് ഡീലിന്റെ ഭാഗമാണ്. പകരം 10 സീറ്റിൽ ബിജെപി, സിപിഎമ്മിനെ സഹായിക്കുമെന്നും സതീശൻ ആരോപിച്ചു.
രഹസ്യഡീലുണ്ടാക്കാന് ഇത് കോണ്ഗ്രസല്ലെന്നും ബിജെപി ഒരു കാഡര് പാര്ട്ടിയാണെന്നും ഉള്ള ചുട്ട മറുപടിയാണ് സതീശനെതിരെ സമൂഹമാധ്യമങ്ങളില് ഉയരുന്നത്. ബിജെപി കേരളത്തില് വലിയ മുന്നേറ്റമുണ്ടാക്കാന് പോകുന്ന നിയമസഭാ തെരഞ്ഞെടുപ്പാണ് 2026ലേതെന്നും അമിത് ഷായുടെ മിഷന് 2026 പദ്ധതിയനുസരിച്ച് അടിക്കാടിളക്കിയുള്ള പ്രചാരണമാണ് ബിജെപി നടത്തുന്നത്.
