തിരുവനന്തപുരം: വിദേശ യൂണിവേഴ്സിറ്റികളില് പഠിയ്ക്കുന്നതും വിദേശത്ത് ജോലി ചെയ്യുന്നതും ലക്ഷ്യമാണെങ്കില് അതിനുള്ള കടമ്പ കടക്കാനുള്ള ഇംഗ്ലീഷ് പരീക്ഷയാണ് ഐഇ എല്ടിഎസ്. വിദേശത്തേക്ക് പോകാനുള്ള വിദ്യാര്ത്ഥിയുടെ ഇംഗ്ലീഷ് പരിജ്ഞാനം വര്ധിപ്പിക്കാനാണ് ഈ പരീക്ഷ.
വിദേശപഠനത്തിനും ജോലിക്കുമായി തയ്യാറെടുക്കുന്നവർക്കായി നോർക്ക ഇൻസ്റ്റിറ്റ്യൂട്ട് ഓഫ് ഫോറിൻ ലാംഗ്വേജസിന്റെ (NIFL) തിരുവനന്തപുരം സെന്ററിൽ ഏപ്രിലിൽ ആരംഭിക്കുന്ന ഐഇഎൽടിഎസ് (IELTS) ഓഫ്ലൈൻ ബാച്ചുകളിലേക്ക് അപേക്ഷ ക്ഷണിച്ചു.
ലിസണിംഗ്, റീഡിംഗ്, സ്പീക്കിംഗ്, റൈറ്റിംഗ് എന്നീ നാല് മോഡ്യൂളുകളിലും മികച്ച പരിശീലനം ഉറപ്പാക്കുന്ന എട്ടാഴ്ചത്തെ കോഴ്സിലേക്ക് താല്പര്യമുള്ളവർക്ക് www.nifl.norkaroots.org എന്ന വെബ്സൈറ്റ് വഴി മാർച്ച് 28-നകം അപേക്ഷിക്കാവുന്നതാണ്.
രാവിലെ 9 മുതൽ ഉച്ചയ്ക്ക് 1 വരെയായിരിക്കും ക്ലാസുകൾ നടക്കുക. യോഗ്യതാ പരീക്ഷയിൽ വിജയിക്കുന്നവർക്ക് മാത്രമായിരിക്കും പ്രവേശനം ലഭിക്കുക. കൂടുതൽ വിവരങ്ങൾക്കും അഡ്മിഷനുമായി +91 7907323505 (തിരുവനന്തപുരം) എന്ന നമ്പറിലോ, 1800 425 3939 (ഇന്ത്യയിൽ നിന്നും), +91 8802 012 345 (വിദേശത്തു നിന്നും) എന്നീ ടോൾ ഫ്രീ നമ്പറുകളിലോ ബന്ധപ്പെടാവുന്നതാണ്.
