മാറ്റം 2026: തെരഞ്ഞെടുപ്പുവിശേഷങ്ങൾ
ന്യൂദൽഹി: യുഡിഎഫിൽ സീറ്റുധാരണയായി. 95 സീറ്റിലാണ് കോൺഗ്രസ് മത്സരിക്കുക. 27 സീറ്റിൽ ലീഗ്, കേരള കോൺഗ്രസ് എട്ട് സീറ്റിൽ മത്സരിക്കുമെന്ന് പ്രതിപക്ഷ നേതാവ് വി.ഡി. സതീശൻ പറഞ്ഞു. സീറ്റുവിഭജനത്തിൽ ഒരു അലോസരവുമില്ലായിരുന്നുവെന്നും കോൺഗ്രസ്സിന് രണ്ട് സീറ്റ് അധികം കിട്ടിയെന്നും സതീശൻ വിശദീകരിച്ചു. യുഡിഎഫ് ഒറ്റക്കെട്ടാണെന്നും വിശദീകരിച്ചു. ചാത്തന്നൂർ സീറ്റ് ഫോർവേഡ് ബ്ലോക്കിന് കൊടുത്തു, അവർ ആ സീറ്റ് കോൺഗ്രസ്സിന് കൊടുത്തുവെന്നും സതീശൻ പറഞ്ഞു.
സ്ത്രീപീഡനക്കേസിൽ പെട്ട എൽദോസ് കുന്നപ്പിള്ളിക്ക് സീറ്റില്ല. അന്തിമ ലിസ്റ്റ് ഇന്നു പ്രഖ്യാപിക്കും. ചില എംപിമാർ മത്സരിക്കാൻ താൽപര്യം കാണിച്ചിട്ടുണ്ട്, അക്കാര്യം ദേശീയ പാർട്ടി നേതൃത്വം എടുക്കുമെന്നും സതീശൻ വിശദീകരിച്ചു.
കെ.സുധാകരൻ എംപി നിയമസഭയിലേക്ക് മത്സരിക്കുമെന്ന നിലപാടിൽ ഉറച്ചു നിൽക്കുകയാണ്.
