ആലപ്പുഴ: നിയമസഭാ തെരഞ്ഞെടുപ്പില് അമ്പലപ്പുഴയില് സ്വതന്ത്രനായി ജനവിധി തേടുമെന്ന് പ്രഖ്യാപിച്ച ജി.സുധാകരനെതിരെ ബഹുജന മാര്ച്ചും പൊതുസമ്മേളനവും സംഘടിപ്പിച്ച് സി പി എം.പുന്നപ്ര പറവൂരിലാണ് ബഹുജന മാര്ച്ചും പൊതുസമ്മേളനവും സംഘടിപ്പിച്ചത്.
മുന് മുഖ്യമന്ത്രി വിഎസ്. അച്യുതാനന്ദന്റെ വീടിന് മുന്നില് നിന്നാരംഭിച്ച ബഹുജന മാര്ച്ച് സുധാകരന്റെ വീടിന് മുന്നിലൂടെയാണ് കടന്നു പോയത്. സുധാകരന്റെ വീടിന് മുന്നിലെത്തിയപ്പോള് വര്ഗവഞ്ചനയ്ക്ക് മാപ്പില്ല എന്ന മുദ്രാവാക്യം പ്രവര്ത്തകര് ഉച്ചത്തില് വിളിച്ചു.
യുഡിഎഫിന് കൂടാരത്തില് അത്താഴത്തിന് പോയെങ്കില് തിന്നു മദിച്ചു കിടന്നോളൂ. പ്രസ്ഥാനത്തെ ഒറ്റുകൊടുത്താല് ഏത് സുധാകരനായാലും തോറ്റു മടങ്ങും കട്ടായം. ജി. സുധാകരാ കേട്ടോളൂ, ഇത് പുന്നപ്രയുടെ മണ്ണാണെ എന്നിങ്ങനെയായിരുന്നനു മുദ്രാവാക്യങ്ങള്.
