ന്യൂദല്ഹി:ശബരിമല യുവതിപ്രവേശന വിഷയത്തില് സംസ്ഥാന സര്ക്കാര് സുപ്രീം കോടതിയില് പരിഷ്കരിച്ച സത്യവാംഗ്ൂലം സമര്പ്പിച്ചു. യുവതി പ്രവേശനം അനുവദിക്കണോ എന്നതില് വ്യക്തമായ നിലപാടില്ലാതെയാണ് സത്യവാംഗ്മൂലം സമര്പ്പിച്ചിരിക്കുന്നത്.
പ്രധാനമായും മതപണ്ഡിതരുടെയും ആചാര്യന്മാരുടെയും അഭിപ്രായങ്ങള് ഈ വിഷയത്തില് കൃത്യമായി വിലയിരുത്തണമെന്നാണ് സര്ക്കാര് സത്യവാംഗ്മൂലത്തില് പറയുന്നത്.
വിശ്വാസവുമായി ബന്ധപ്പെട്ട കാര്യമായതിനാല് എല്ലാ വശങ്ങളും പരിശോധിച്ച ശേഷമായിരിക്കണം അന്തിമ തീരുമാനം കൈക്കൊള്ളേണ്ടത്.വിവിധ മതവിഭാഗങ്ങളുടെ അഭിപ്രായങ്ങള് കൂടി കേട്ട ശേഷം കോടതിക്ക് ഉചിതമായ തീരുമാനമെടുക്കാമെന്ന് സര്ക്കാര് പറയുന്നു.രാജ്യത്തെ നിയമത്തെ അവഹേളിക്കുന്നതോ പൊതുനയത്തിനോ സാമൂഹിക മാന്യതയ്ക്കോ വിരുദ്ധമോ ആയ ഒരു കാര്യത്തെയും മതാചാരം എന്ന നിലയില് അംഗീകരിക്കാന് ആകില്ലെന്നും പറയുന്നു.
പുറത്തുള്ളവര്ക്ക് മതാചാരത്തെ പൊതു താത്പര്യഹര്ജിയിലൂടെ ചോദ്യം ചെയ്യാനാകില്ല. വിഷയം പഠിക്കാന് സമിതി വേണമെന്നും സംസ്ഥാന സര്ക്കാര് സുപ്രീം കോടതിയെ അറിയിച്ചു. സംസ്ഥാനത്തിനായി സ്റ്റാന്ഡിംഗ് കൗണ്സല് നിഷേ രാജന് ഷൊങ്കറാണ് വാദം സമര്പ്പിച്ചത്.
