ജറുസലേം: ഇസ്രയേല് പ്രധാനമന്ത്രി ബെഞ്ചമിന് നെതന്യാഹുവിനെ വധിച്ചുവെന്ന് ഇറാന് അവകാശവാദം ഉന്നയിച്ച ശേഷം അഞ്ച് ദിവസം പിന്നിട്ടിട്ടും നെതന്യാഹു എവിടെയും പ്രത്യക്ഷപ്പെടാത്ത സാഹചര്യത്തില് ആശങ്ക ഉയരുന്നു. കഴിഞ്ഞ ദിവസം ഇസ്രയേല് പുറത്തുവിട്ട വീഡിയോയില് ആറ് വിരലുള്ള നെതന്യാഹുവിനെ കണ്ടതോടെ നെതന്യാഹു മരിച്ചു എന്ന സംശയം കൂടുതല് ബലപ്പെടുകയാണ്. കഴിഞ്ഞ അഞ്ച് ദിവസമായി നെതന്യാഹുവിന്റെ വീഡിയോ ഇതുവരെയും പ്രത്യക്ഷപ്പെട്ടിട്ടില്ല. അദ്ദേഹം നേരിട്ട് എവിടെയും പ്രത്യക്ഷപ്പെട്ടിട്ടുമില്ല. എന്നാല് ക്യാമറയുടെ ആംഗിൾ മൂലമുണ്ടായ ഒപ്റ്റിക്കൽ ഇല്യൂഷനാണിതെന്നും നെതന്യാഹു ജീവനോടെയുണ്ടെന്നുമാണ് ഇസ്രയേല് നല്കുന്ന ഔദ്യോഗിക വിശദീകരണം.
ഇതിനിടയില് ഇസ്രായേൽ പ്രധാനമന്ത്രിയുടെ ഔദ്യോഗിക വിമാനം ഗ്രീസിലേക്ക് പറന്നതും ഉടൻ തിരിച്ചെത്തിയതും കൂടുതല് ആശങ്ക പരത്തിയിട്ടുണ്ട്.”വിങ് ഓഫ് സിയോൺ” എന്നറിയപ്പെടുന്ന വിമാനം ഇസ്രായേലിലെ നെവാടിം എയർബേസിൽ നിന്ന് പറന്നുയർന്ന് ഗ്രീക്ക് ദ്വീപായ ക്രീറ്റിൽ ഇറങ്ങിയ ശേഷം തിരികെ ഇസ്രായേലിലേക്ക് മടങ്ങിയെത്തി.
ഇതിനിടെ വെള്ളിയാഴ്ച ഇസ്രയേല് പുറത്തുവിട്ട വീഡിയോ സന്ദേശത്തിൽ നെതന്യാഹുവിന്റെ വലതു കൈയിൽ ആറ് വിരലുകൾ ഉള്ളതായി കണ്ടത് പുതിയ വിവാദങ്ങൾക്ക് തിരികൊളുത്തിയിരിക്കുകയാണ്. എന്തിനാണ് അദ്ദേഹത്തിന്റെ ഓഫീസ് വ്യാജ വീഡിയോകൾ പങ്കുവെക്കുന്നതെന്ന പരസ്യചോദ്യം ഉയര്ത്തിയിരിക്കുകയാണ് രാഷ്ട്രീയ നിരീക്ഷകയായ കാൻഡീസ് ഓവൻസ് ഉൾപ്പെടെയുള്ള പ്രമുഖർ. നെതന്യാഹു എവിടെയാണെന്നും . വീഡിയോ ആർട്ടിഫിഷ്യൽ ഇന്റലിജൻസ് (AI) ഉപയോഗിച്ച് നിർമ്മിച്ചതാണെന്നും പ്രധാനമന്ത്രി ജീവനോടെയില്ലെന്നുമുള്ള അഭ്യൂഹങ്ങൾ സോഷ്യൽ മീഡിയയിൽ ശക്തമാവുകയാണ്.
മാർച്ച് 13ന് നെതന്യാഹു തന്റെ ഔദ്യോഗിക എക്സ് ഹാൻഡിലിലൂടെ പങ്കുവെച്ച വീഡിയോയെ ചുറ്റിപ്പറ്റിയാണ് സംശയങ്ങൾ ഉയരുന്നത്. ‘ക്ലാസിക് എഐ ഗ്ലിച്ച്’ (എഐ അബദ്ധത്തിന്റെ ക്ലാസിക് ഉദാഹരണം) എന്നാണ് ദശലക്ഷക്കണക്കിന് ആളുകൾ കണ്ട ഈ ദൃശ്യത്തെ സോഷ്യൽ മീഡിയ ഉപയോക്താക്കൾ വിശേഷിപ്പിച്ചത്. എന്നാൽ, ഈ വാദങ്ങളെല്ലാം എക്സിന്റെ എഐ ചാറ്റ്ബോട്ടായ ‘ഗ്രോക്ക്’ തള്ളിക്കളയുകയാണ്. ക്യാമറയുടെ ആംഗിൾ മൂലമുണ്ടായ ഒപ്റ്റിക്കൽ ഇല്യൂഷനാണിതെന്നും നെതന്യാഹു ജീവനോടെയുണ്ടെന്നുമാണ് ഔദ്യോഗിക വിശദീകരണം.
കഴിഞ്ഞ ദിവസം ഇസ്രായേൽ ട്രഷറി സെക്രട്ടറി സ്കോട്ട് ബെസന്റ് ഒരു പത്രസമ്മേളനത്തിനിടെ പെട്ടെന്ന് ഇറങ്ങിപ്പോകുകയും പിന്നീട് തിരിച്ചുവരികയും ചെയ്തതും ദുരൂഹത വർദ്ധിപ്പിച്ചിരിക്കുകയാണ്. പ്രധാനമന്ത്രി നെതന്യാഹുവിന്റെ മകൻ യായർ നെതന്യാഹു മാർച്ച് ഒമ്പതിന് ശേഷം സോഷ്യൽ മീഡിയയിൽ സജീവമല്ലാത്തതും സംശയങ്ങൾ വർദ്ധിപ്പിക്കുന്നു.
