മലപ്പുറം: സംസ്ഥാനത്ത് പാചക വാതക പ്രതിസന്ധി രൂക്ഷമെന്ന റിപ്പോർട്ടുകൾക്കിടെ മലപ്പുറത്ത് കരിഞ്ചന്തയിൽ ഗ്യാസ് വിൽപ്പന. 2000 രൂപ നിരക്കിൽ കൊട്ടുക്കര എസ്സെ ഓട്ടോ എൽപിജി പമ്പിലാണ് സിലിണ്ടറിൽ ഫിൽ ചെയ്തു നൽകുന്നത്. നൂറുകണക്കിന് ആളുകളാണ് സിലിണ്ടർ ഫിൽ ചെയ്യാനായി ഇവിടെ എത്തുന്നത്. കൊണ്ടോട്ടി കൊട്ടുക്കരയിൽ ആണ് സംഭവം.
വാഹനങ്ങൾക്ക് നിറയ്ക്കാൻ മാത്രമാണ് അനുമതി ഉള്ളത്. ഇന്നലെയും നിരവധി പേർക്ക് സിലിണ്ടർ ഫിൽ ചെയ്തു നൽകിയിരുന്നു. എറണാകുളം ജില്ലയിൽ ഹോസ്പിറ്റൽ ആവശ്യങ്ങൾക്കായി റിഫൈനറികളിൽ നിന്നും വിട്ട് നൽകുന്ന ഗ്യാസ് കരിഞ്ചന്തയിൽ വിൽപ്പന നടത്തുന്നുവെന്ന പരതിയും ഉയരുന്നുണ്ട്. ഇന്ന് കൂടി ഗ്യാസ് ലഭിച്ചിലെങ്കിൽ കൊച്ചിയിൽ ഹോട്ടലുകൾ പൂർണമായും അടച്ചിടേണ്ട സാഹചര്യമാണ് നിലവിലുള്ളത്.
ഇതിനിടെയാണ് കരിഞ്ചന്തയിൽ ഗ്യാസ് വിൽപ്പന നടക്കുന്നതായി ആക്ഷേപമുയരുന്നത്.
