മുംബൈ: മൊണാലിസ ഭോസ്ലെയെ മുഹമ്മദ് ഫര്മാന് ഖാന് വിവാഹം ചെയ്ത സംഭവം വെറും ലവ് ജിഹാദാണെന്ന് പ്രയാഗ്രാജിലെ കുംഭമേളയില് വൈറലായി മാറിയ മൊണാലിസ ഭോസ്ലെയെ നായികയാക്കി ആദ്യമായി സിനിമ സംവിധാനം ചെയ്യാന് ശ്രമിച്ച സനോജ് മിശ്ര. മൊണാലിസയെ കേരളത്തിലേക്ക് തെറ്റിദ്ധരിപ്പിച്ച് കൂട്ടിക്കൊണ്ട് വന്നതാണെന്നും അതിന് പിന്നിലുള്ള ഇസ്ലാമിക ശക്തികള്ക്ക് കൂടുതല് പണം കിട്ടാനാണ് ഇന്ത്യയുടെ തെക്കേയറ്റത്തേക്ക് കൊണ്ടുവന്നതെന്നും സനോജ് മിശ്ര പറഞ്ഞു.
ചിലരുടെ ലാഭത്തിനായി മൊണാലിസ എന്ന പാവം പെണ്കുട്ടി ലവ് ജിഹാദിന് ഇരയായി. എന്നെ ജയിലിലാക്കിയ അതേ ഇസ്ലാമിക ശക്തികളാണ് മൊണാലിസയെയും കുടുക്കിയിരിക്കുന്നതെന്ന് അന്വേഷണം നടത്തിയാല് മനസ്സിലാകുമെന്നും സനോജ് മിശ്ര പറഞ്ഞു. തന്റെ ഫെയ്സ്ബുക്ക് പേജിലാണ് സഞ്ജയ് മിശ്ര ഈ ആരോപണങ്ങള് ഉയര്ത്തിയത്.
“മൊണാലിസയെ നടിയാക്കി സിനിമ പ്രഖ്യാപിച്ചതിന് പിന്നാലെ ഒരു 28 കാരിയെക്കൊണ്ട് ഈ ഇസ്ലാമിക ശക്തികള് കേസ് കൊടുപ്പിച്ചു. എന്നെ ജയിലിലാക്കി. പിന്നീട് വസീം റിസ് വിയുടെയും കൂട്ടരുടെയും നിര്ദേശപ്രകാരമാണ് താന് കള്ളപ്പരാതി നല്കിയതെന്ന് ഈ യുവതി സമ്മതിച്ചു. ” -സനോജ് മിശ്ര സ്വന്തം ജീവിതാനുഭവം തുറന്നു പറയുന്നു.
വസീം റിസ് വിയും കൂട്ടരും ഉള്പ്പെടുന്ന സംഘത്തിന് മൊണാലിസയുടെ ഇപ്പോഴത്തെ വിവാഹവുമായി ബന്ധമുണ്ടെന്നും സനോജ് മിശ്ര ആരോപിക്കുന്നു. ‘ദി മണിപ്പൂര് ഡയറി’ എന്ന പേരിലാണ് സനോജ് മിശ്ര മൊണാലിസ ഭോസ്ലെയെ നായികയാക്കി സിനിമയെടുക്കാന് ശ്രമിച്ചത്. പക്ഷെ ഈ കേസോടെ സനോജ് മിശ്ര പദ്ധതി ഉപേക്ഷിച്ചു.
