ടെഹ്റാന് യുഎസിന്റെ പശ്ചിമേഷ്യയിലുള്ള 17 സൈനികത്താവളങ്ങള് ഇറാന് ആക്രമിച്ചതായി ന്യൂയോര്ക്ക് ടൈംസാണ് റിപ്പോര്ട്ട് ചെയ്തത്. ഇതില് 11 യുഎസ് സൈനികത്താവളങ്ങള്ക്കും കാര്യമായ കേടുപാടുകള് സംഭവിച്ചിട്ടുണ്ട്.
ഈ ആക്രമണങ്ങളുടെ വ്യക്തതയുള്ള ഉപഗ്രഹചിത്രങ്ങളും തെളിവായി ന്യൂയോര്ക്ക് ടൈംസ് പുറത്തുവിട്ടു. ഇതിന് പുറമെ ആധികാരികമായ സോഷ്യല് മീഡിയ വീഡിയോകള്, യു.എസ് ഉദ്യോഗസ്ഥരുടെ പ്രസ്താവനകള്, ഇറാന്റെ ഔദ്യോഗിക മാധ്യമ റിപ്പോര്ട്ടുകള് എന്നിവയും ആക്രമണം നടത്തിയതിന് തെളിവായി ന്യൂയോര്ക്ക് ടൈംസ് ഉദ്ധരിക്കുന്നു.
വിവിധ അറബ് രാജ്യങ്ങളിലെ യു.എസ് സൈനിക കേന്ദ്രങ്ങള്ക്കും സഖ്യകക്ഷികളുടെ സൈനിക താവളങ്ങള്ക്കും നേരെ ഇറാന് ആയിരക്കണക്കിന് മിസൈലുകളും ഡ്രോണുകളുമാണ് ഉപയോഗിച്ചു. ഇറാന്റെ ഡ്രോണുകളെയും മിസൈലുകളെയും തടഞ്ഞുവെന്ന് യുഎസ് അവകാശപ്പെടുന്നുവെങ്കിലും കുറഞ്ഞത് 11 അമേരിക്കന് സൈനിക താവളങ്ങള്ക്ക് നാശനഷ്ടം സംഭവിച്ചിട്ടുണ്ടെന്നാണ് ന്യൂയോര്ക്ക് ടൈംസ് പറയുന്നത്.
അമേരിക്കയ്ക്ക് ഇറാന്റെ തിരിച്ചടി മൂലം വലിയ തോതില് സാമ്പത്തിക നഷ്ടം ഉണ്ടായിട്ടുണ്ട്. ഫെബ്രുവരി 28-ന് ബഹ്റൈനിലെ യു.എസ് നേവി അഞ്ചാം കപ്പല്പടയെ ആക്രമിച്ചതില് മാത്രം ഏകദേശം 200 മില്യണ് ഡോളറിന്റെ നഷ്ടം സംഭവിച്ചതായി പറയുന്നു. അമേരിക്കയും ഇസ്രയേലും കരുതിയതിനേക്കാള് ആസൂത്രിതമായ ഒരുക്കം ഈ യുദ്ധത്തിന് ഇറാന് നടത്തിയിരുന്നുവെന്നതിന് തെളിവാണ് അമേരിക്കയ്ക്ക് നല്കിയ മുറിവുകള് എന്ന് ന്യൂയോര്ക്ക് ടൈംസ് പറയുന്നു.
