തിരുവനന്തപുരം: നാലു വര്ഷ ബിരുദ കോഴ്സുകളെ മള്ട്ടിഡിസിപ്ലിനറി പ്രോഗ്രാമുകളായി പുനഃസംഘടിപ്പിക്കാന് തീരുമാനിച്ചതായി ഉന്നത വിദ്യാഭ്യാസ വകുപ്പ് മന്ത്രി ഡോ. ആര്. ബിന്ദു അറിയിച്ചു.
സര്ക്കാരിന് അധിക സാമ്പത്തിക ബാധ്യത വരാത്തവിധം, നിലവിലുള്ള അധ്യാപകരുടെ വൈദഗ്ധ്യവും അടിസ്ഥാന സൗകര്യങ്ങളും അക്കാദമിക് വിഭവങ്ങളും കൂടുതലായി പ്രയോജനപ്പെടുത്തി കോളേജുകള് ഇത് നടപ്പിലാക്കണമെന്ന് മന്ത്രി പ്രത്യേകം നിര്ദേശിച്ചിട്ടുണ്ട്. പുതിയ പ്രോഗ്രാമുകള് സംബന്ധിച്ച പ്രൊപ്പോസലുകള് കോളേജുകള്ക്ക് സര്വ്വകലാശാലകള്ക്ക് സമര്പ്പിക്കാം. ഇതെല്ലം പരിശോധിച്ച ശേഷമായിരിക്കും സര്വ്വകലാശാലകള് പുതിയ കോഴ്സുകള്ക്ക് അനുമതി നല്കുക. നിലവിലുള്ള വര്ക്ക് ലോഡ് മാനദണ്ഡങ്ങള്ക്കുള്ളില് നിന്നുകൊണ്ട് വിവിധ വകുപ്പുകളിലെ അധ്യാപകരുടെ സേവനം സംയോജിപ്പിച്ച് അന്തര്വൈജ്ഞാനിക കോഴ്സുകള് നടപ്പിലാക്കാം. വ്യത്യസ്ത ഡിപ്പാര്ട്മെന്റുകളിലെ അധ്യാപകര് ഒരു കോഴ്സ് ഒന്നിച്ചു തയ്യാറാക്കി പഠിപ്പിക്കുന്നത് പുതിയൊരു അക്കാഡമിക് സംസ്കാരത്തിന് തുടക്കം കുറിക്കും. ഇതുമായി ബന്ധപ്പെട്ട് ഇംപ്ലിമെന്റേഷന് സെല് തയ്യാറാക്കിയ വിശദമായ മാതൃകാ മാര്ഗ്ഗനിര്ദ്ദേശങ്ങള് സര്വകലാശാലകള്ക്ക് കൈമാറുന്നതാണെന്നും മന്ത്രി പറഞ്ഞു.
ഉദാഹരണമായി, നിലവിലെ ബി.എ. ഇക്കണോമിക്സിനെ ബി.എ. ഇക്കണോമിക്സ് ആന്ഡ് ഡാറ്റ അനലിറ്റിക്സ് എന്നും, ബി.എസ്സി ഫിസിക്സിനെ ബി.എസ്സി അപ്ലൈഡ് ഫിസിക്സ് ആന്ഡ് റിന്യൂവബിള് എനര്ജി എന്നും, ബി.കോമിനെ ബി.കോം ഇന് ഫിന്ടെക് ആന്ഡ് ഡിജിറ്റല് ബാങ്കിംഗ് എന്നും, ബി.എസ്സി മാത്തമാറ്റിക്സിനെ ബി.എസ്സി മാത്തമാറ്റിക്കല് സയന്സസ് ആന്ഡ് ക്രിപ്റ്റോഗ്രഫി എന്നും മാറ്റി പുനഃസംഘടിപ്പിക്കാം.
