തിരുവനന്തപുരം: മന്ത്രി ഗണേഷ് കുമാറിനെ കാണാന് പാടില്ലാത്ത സാഹചര്യത്തില് കണ്ടുവെന്ന ഭാര്യയുടെ ആരോപണത്തെ തുടര്ന്ന് വെട്ടിലായിരിക്കുകയാണ് ഇടതു മുന്നണി.ഗണേഷ് രാജിവയ്ക്കണമെന്ന് ആവശ്യമുയര്ന്നിരിക്കെ സംഭവത്തില് ഗണേഷിനോട് എല്ഡിഎഫ് നേതൃത്വം സംസാരിക്കും. മുഖ്യമന്ത്രി പിണറായി വിജയനും ഗണേഷിനോട് സംസാരിച്ചേക്കും.
വാളകത്തെ കുടുംബ വീട്ടില് ആണ് ഗണേഷിന്റെ അവിഹിതം കണ്ടതെന്നും ഫോട്ടോ ഉള്പ്പടെ തെളിവുകള് തന്റെ കൈവശമുണ്ടെന്നുമാണ് ഭാബ്യ ബിന്ദു മേനോന് പറഞ്ഞത്.താന് വിളിച്ചതിനെ തുടര്ന്ന് പൊലീസ് സ്ഥലത്തെത്തിയെങ്കിലും ഇടപെട്ടില്ലെന്നും അവര് പറഞ്ഞു. മന്ത്രിയുടെ പേഴ്സണല് സ്റ്റാഫ് അംഗങ്ങള് തന്നെ മര്ദ്ദിച്ചെന്നും ഫോണ് പിടിച്ചു വാങ്ങാന് ശ്രമിച്ചെന്നും ബിന്ദു മേനോന് ആരോപിച്ചു.ഗണേഷ് നേരത്തേ തന്നെ ഉപദ്രവിച്ചിരുന്നെന്നും തനിക്ക് സംശയരോഗമെന്ന് പ്രചരിപ്പിച്ചെന്നും ബിന്ദു മേനോന് പറഞ്ഞു.എന്നാല് ആരോപണം തള്ളിയ മന്ത്രി എല്ലാ കാലത്തും വീട്ടില് നിന്ന് തന്നെയാണ് തനിക്ക് ശത്രുക്കള് ഉണ്ടാകുന്നതെന്നും പറഞ്ഞു.
സംഭവത്തില് അന്വേഷണം ആവശ്യപ്പെട്ട് കെഎസ്യു ഡിജിപിക്ക് കത്ത് നല്കി.വരും ദിവസങ്ങളില് പത്തനാപുരത്തെ ഗണേഷ് കുമാറിന്റെ ഓഫീസിലേക്ക് പ്രതിഷേധങ്ങള് പ്രകടനങ്ങള് നടത്താനാണ് പ്രതിപക്ഷത്തിന്റെ തീരുമാനം.
