കൊച്ചി: മദ്യശാലകളുടെ പെരുംപ്രളയത്തിലാണ് കേരളമെന്ന് പള്ളികളില് വായിച്ച സര്ക്കുലറില് കാത്തലിക് ബിഷപ്പ്സ് കൗണ്സില് കുറ്റപ്പെടുത്തി. മദ്യ-ലഹരി വിരുദ്ധ ഞായര് ആചരണത്തിന്റെ ഭാഗമായാണ് കെസിബിസിയുടെ സര്ക്കുലര് പള്ളികളില് വായിച്ചത്.
29 ബാറുകള് മാത്രമുണ്ടായിരുന്ന 2016ല് ഒരു ബാര് പോലും കൂടുതലായി അനുവദിക്കില്ലെന്നായിരുന്നു അധികാരത്തിലെത്തും മുന്പ് ഈ സര്ക്കാര് പറഞ്ഞത്. അധികാരത്തിലെത്തിയപ്പോള് അവരുടെ നയം മാറി.
രണ്ടാം ഇടതുസര്ക്കാര് അധികാരത്തിലെത്തിയപ്പോള് സംസ്ഥാനത്താകെ ആയിരത്തിലധികം ബാറുകള്, 337ലധികം ബെവ്കോ കണ്സ്യൂമര്ഫെഡ് ഔട്ട്ലെറ്റുകള്, 5071 ഓളം കള്ളുഷാപ്പുകള് തുടങ്ങിയവ സ്ഥാപിച്ചു. അനധികൃത മദ്യനിര്മ്മാണവും ലഹരി കടത്തും തടയാന് ഉത്തരവാദിത്വപ്പെട്ട എക്സൈസ്-പൊലീസ്-ഫോറസ്റ്റ്-റവന്യൂ സംവിധാനങ്ങള് നിസംഗതയോടെ പ്രഹസന മീറ്റിംഗുകള് നടത്തി തലയൂരുകയാണ്. സംസ്ഥാനത്തെ 14,00 സ്കൂളുകള് മയക്കുമരുന്നിന്റെ ഹോട്ട് സ്പോട്ടായി സര്ക്കാര് തന്നെ വിലയിരുത്തിയിട്ടുണ്ട്. മദ്യത്തിനും മയക്കുമരുന്നിനുമെതിരെ ശക്തമായ നിലപാടു സ്വീകരിക്കുന്ന സര്ക്കാരാണിവിടെ ഉണ്ടാകേണ്ടതെന്ന് സര്ക്കുലറില് പറയുന്നു.
ഇടതുസര്ക്കാര് കേരളത്തെ മദ്യശാലകളുടെ പെരുംപ്രളയത്തിലാക്കിയെന്ന് പള്ളികളില് വായിച്ച സര്ക്കുലറില് ബിഷപ്പ്സ് കൗണ്സില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.