കൊച്ചി: നിയമസഭാ തെരഞ്ഞെടുപ്പില് പ്രതിപക്ഷ നേതാവ് വി ഡി സതീശന് മത്സരിക്കുന്ന പറവൂരില് ഇ ടി ടൈസണ് മാസ്റ്റര് ഇടതുമുന്നണി സ്ഥാനാര്ത്ഥിയാകും.സി പി ഐ സംസ്ഥാന നിര്വാഹക സമിതി യോഗത്തിലാണ് ടൈസണ് മാസ്റ്ററെ സ്ഥാനാര്ത്ഥിയാക്കാന് ധാരണയായത്.
ടൈസണ് മാസ്റ്റര് നിലവില് കൈപ്പമംഗലം എം എല് എയാണ്. ഇവിടെ രണ്ട് ടേം പൂര്ത്തിയാക്കിയ സാഹചര്യത്തിലാണ് പറവൂരിലേക്ക് മാറുന്നത്.
കാല്നൂറ്റാണ്ടായി പറവൂരിലെ എം എല് എയായ സതീശനെ തളയ്ക്കാന് ടൈസണ് മാസ്റ്റര്ക്ക് കഴിയുമെന്ന പ്രതീക്ഷയിലാണ് സി പി ഐ. സി പി ഐയിലെ എം ടി നിക്സണെയാണ് കഴിഞ്ഞ തവണ സതീശന് പരാജയപ്പെടുത്തിയത്. 21301 വോട്ടുകള്ക്കായിരുന്നു 2021 ല് സതീശന് ജയിച്ചത്.
