ബര്മിംഹാം: ഇന്ത്യന് താരം ലക്ഷ്യ സെന് ഓള് ഇംഗ്ലണ്ട് ഓപ്പണ് ബാഡ്മിന്റണ് ചാമ്പ്യന്ഷിപ്പില് ഫൈനലില് കടന്നു. സെമിയില് കാനഡ താരം വിക്ടര് ലായിയെ 21-16, 18-21, 21-15ന് തോല്പ്പിച്ചു.
മത്സരം ഒരു മണിക്കൂറും 37 മിനിറ്റും നീണ്ടുനിന്നു. കഴിഞ്ഞ വര്ഷത്തെ ലോക ചാമ്പ്യന്ഷിപ്പ് വെങ്കല മെഡല് ജേതാവായ വിക്ടര് ലായിയെ മികച്ച പ്രകടനത്തിലൂടെയാണ് ലക്ഷ്യ മറികടന്നത്.
ഞായറാഴ്ച ഫൈനലില് ചൈനീസ് തായ്പേയ് താരം ലിന് ചുന്യിയെയാണ് ലക്ഷ്യ സെന് നേരിടുന്നത്. 1980ല് പ്രകാശ് പദുക്കോണും 2001ല് പുല്ലേല ഗോപിചന്ദും ഓള് ഇംഗ്ലണ്ട് ഓപ്പണ് ബാഡ്മിന്റണ് ചാമ്പ്യന്ഷിപ്പില് ജേതാക്കളായിട്ടുണ്ട്.
