തിരുവനന്തപുരം: കേരള സ്റ്റോറി എന്നത് ഒരു പ്രൊപ്പഗണ്ട സിനിമയാണെന്ന രാഹുല് ഗാന്ധിയുടെ പ്രസ്താവനയെ വിമര്ശിച്ച് മുന് ഡിജിപി ജേക്കബ് തോമസ്.
യാഥാര്ത്ഥ്യം പറയുന്നത് പ്രൊപ്പഗണ്ടയാകുന്നത് എങ്ങിനെയെന്നാണ് ജേക്കബ് തോമസ് ചോദിക്കുന്നത്. നെഹ്റു കുടുംബവാഴ്ചയെ പുകഴ്ത്തി എത്ര സിനിമ വന്നാലും കുഴപ്പമുണ്ടാകില്ല അല്ലേ? എന്നും ജേക്കബ് തോമസ് ഫെയ്സ്ബുക്കില് ചോദിക്കുന്നു.
കേരള സ്റ്റോറി തിയറ്ററുകളില് ആരും കാണുന്നില്ലെന്ന കേരളത്തിലെ മാധ്യമങ്ങളുടെ പ്രചാരണം പൊളിഞ്ഞുവീണിരിക്കുകയാണ്. തിയറ്ററിലെ സിനിമയുടെ പ്രകടനം വിലയിരുത്തുന്ന സാക് നിക് പറഞ്ഞത് കേരള സ്റ്റോറി 22 കോടിയില് അധികം നേടിക്കഴിഞ്ഞു എന്നാണ്. ലവ് ജിഹാദിന്റെ ക്രൂരതകള് വിവരിക്കുന്ന സിനിമയില് മൂന്ന് ലവ് ജിഹാദ് പ്രണയങ്ങളാണ് പറയുന്നത്.
