തിരുവനന്തപുരം: പൊങ്കാല ഇടാനെത്തിയ സ്ത്രീയുടെ കാര് കത്തി നശിച്ചു.തൈക്കാട് ഭാഗത്ത് പാര്ക്ക് ചെയ്തിരുന്ന കാറിലേക്ക് ചപ്പുചവറുകളില് നിന്ന് തീപടരുകയായിരുന്നു.
കണ്ണൂര് സ്വദേശിനി ഷൈലയുടെ കാറിനാണ് തീപ്പിടിച്ചത്. ചൊവ്വാഴ്ച ഉച്ചകഴിഞ്ഞ് മൂന്ന് മണിയോടെ തൈക്കാട് റസ്റ്റ്ഹൗസിനു സമീപമായിരുന്നു സംഭവം.
പട്ടത്താണ് ഷൈല താമസിച്ചുവരുന്നത്. പൊങ്കാലയിടുന്നതിനാണ് തൈക്കാട് എത്തിയത്.
കാറില് നിന്നു തീയും പുകയും ഉയരുന്നതുകണ്ടവര് അറിയിച്ചതിനെ തുടര്ന്ന് അഗ്നിരക്ഷാ സേന എത്തി തീ നിയന്ത്രണ വിധേയമാക്കി.
