ടെഹ്റാന്: ആയത്തൊള്ള അലി ഖമേനിയെ വധിച്ചതില് പ്രതിഷേധിച്ച് റഷ്യന് പ്രസിഡന്റ് വ്ളാഡിമിര് പുടിന്. ഏറ്റവും ഹീനമായ കൊലപാതകമാണ് നടന്നതെന്നും പുടിന് അഭിപ്രായപ്പെട്ടു.
ഇസ്രയേലും അമേരിക്കയും നടത്തിയത് അന്താരാഷ്ട്രനിയമങ്ങളുടെ ലംഘനമാണെന്നും ഈ യുദ്ധത്തില് റഷ്യ ഇറാനൊപ്പമാണെന്നും പുടിന് പറഞ്ഞു. അന്താരാഷ്ട്ര നിയമങ്ങളും മാനുഷിക ധാര്മ്മികതയും കാറ്റില് പറത്തി പരമോന്നതനേതാവ് അലി ഖമേനിയും കുടുംബാംഗങ്ങളും വധിക്കപ്പെട്ട സംഭവത്തില് എന്റെ അനുശോചനം സ്വീകരിക്കുക എന്നാണ് ഇറാന് പ്രസിഡന്റ് മസൂദ് പെസഷ്കിയ്ക്ക് അയച്ച കത്തില് പുടിന് പരാമര്ശിച്ചത്.
ഇറാന്റെ പരമാധികാരത്തിന്മേലുള്ള കടന്നുകയറ്റമാണ് ഈ ഹീനമായ ആക്രമണമെന്നായിരുന്നു ഉത്തരകൊറിയയുടെ പ്രസിഡന്റ് കിം ജോങ്ങ് ഉന്നിന്റെ പ്രതികരണം. യുഎസിന്റെ ഈ ഗുണ്ടായിസം പ്രതീക്ഷിച്ചിരുന്നതാണെന്നും കിം പറഞ്ഞു.
ഇറാന്റെ പരമാധികാരത്തിന്റെ ലംഘനമാണ് ഇസ്രയേലും അമേരിക്കയും നടത്തിയതെന്ന് ചൈനയും കുറ്റപ്പെടുത്തി. ഓപ്പറേഷന് റോറിംഗ് ലയണ് എന്ന പേരില് ഇസ്രയേല് നടത്തിയ ആക്രമണമാണ് ഇറാന്റെ പരമോന്നത നേതാവ് ആയത്തൊള്ള അലി ഖമേനിയുടെ വധത്തില് കലാശിച്ചത്. 30 അതിശക്തബോംബുകളാണ് ഇസ്രയേല് പ്രയോഗിച്ചത്. അലി ഖമേനിയുടെ കൊട്ടാരം വരെ ഛിന്നഭിന്നമായി.
