ഡബ്ലിന്: അയര്ലന്ഡിലെ ഡബ്ലിനില് ഐ.ടി പ്രൊഫഷണലായിരുന്ന മലയാളി യുവതി അശ്വതി രാജശേഖരന്റെ മൃതദേഹം ബ്രേ മേഖലയിലെ കടലില് കണ്ടെത്തി. നേരത്തെ ഡാല്ക്കി ബീച്ചിന് സമീപത്തുനിന്ന് ഒരു ലാപ്ടോപ്പും ബാഗും കണ്ടെത്തിയിരുന്നു. തുടര്ന്ന് കോസ്റ്റ് ഗാര്ഡും ഹെലികോപ്റ്ററുകളും ഉള്പ്പെടെ തെരച്ചില് നടത്തിയപ്പോഴാണ് മൃതദേഹം കണ്ടെത്തിയത്.
ബെംഗളൂരുവില്നിന്ന് അയര്ലന്ഡിലെത്തിയ അശ്വതിയെ ലുവാസിലേക്കുള്ള യാത്രയ്ക്കിടെ കാണാനില്ലെന്ന് സുഹൃത്തുക്കള് പരാതിനല്കിയിരുന്നു. മൃതദേഹം കണ്ടെത്തിയതറിഞ്ഞ് സുഹൃത്തുക്കള് ആശുപത്രിയിലെത്തി തിരിച്ചറിഞ്ഞു. അശ്വതിക്ക് ലെറ്റര്ക്കെന്നിയിലേക്ക് സ്ഥലംമാറ്റം ലഭിച്ചിരുന്നുവെന്നും അവിടേക്ക് പോകാനിരിക്കെയാണ് അപകടമുണ്ടായതെന്നും സുഹൃത്തുക്കള് പറഞ്ഞു.
