വാഷിംഗ്ടണ്: ആയത്തൊള്ള അലി ഖമേനിയുടെ പേരില് പിണറായി നടത്തുന്ന വിലാപം ഇരട്ടത്താപ്പാണെന്ന് ഇതിനോട് പ്രതികരിച്ച അമേരിക്കന് മലയാളിയായ പ്രദീപ്. അത്രയ്ക്ക് അമേരിക്കയെ പിണറായിക്ക് വെറുപ്പാണെങ്കില് എന്തിനാണ് വിദഗ്ധ ചികിത്സ തേടി അമേരിക്കയിലേക്ക് വരുന്നതെന്നും പ്രദീപ് ചോദിക്കുന്നു.
ഞായറാഴ്ച പിണറായി നടത്തിയ പ്രതികരണത്തില് ഇസ്രയേലിനെയും യുഎസിനെയും തെമ്മാടി രാജ്യങ്ങള് എന്നാണ് വിളിച്ചത്. ഇതാണ് അമേരിക്കന് മലയാളിയെ ചൊടിപ്പിച്ചത്.
അമേരിക്കയെ കുറിച്ച് അത്രയും മോശമായ ഭാഷയിലാണ് പിണറായി ചീത്ത വിളിച്ചത്. ഇനി അടുത്ത അസുഖം വരുമ്പോഴും കെട്ടിയെടുത്ത് ഇങ്ങോട്ടാണല്ലോ വരുന്നത്? ഇനി ചികിത്സയ്ക്ക് ഖമേനിയുടെ ഇറാനിലോ കമ്മ്യൂണിസ്റ്റ് ചൈനയിലോ പോയ്ക്കൂടേ?- പ്രദീപ് ഉയര്ത്തുന്ന ചോദ്യമാണിത്.
കേരളത്തിലെ കമ്മ്യൂണിസ്റ്റുകാരുടെ ഈ ഇരട്ടത്താപ്പ് എന്തിനാണ്? എന്തായാലും ആണവായുധം ഉണ്ടാക്കുക എന്ന ഇറാന്റെ ഉദ്ദേശം നല്ല ഉദ്ദേശമല്ല. അത് ഇസ്രയേല് എന്ന രാജ്യത്തെ തകര്ക്കാനാണ്.- പ്രദീപ് പറയുന്നു.
ഇറാന് ആണവായുധം ഉണ്ടാക്കുന്നതിനെതിരെയാണ് അമേരിക്ക ആക്രമിച്ചത്. ഇറാന് ആണവായുധം ഉണ്ടാക്കിയാല് ആദ്യം ഇസ്രയേലിനെ ആക്രമിക്കും. അത് കഴിഞ്ഞാല് അവര് ആ ആണാവായുധം കശ്മീരിലെ ഷിയാമുസ്ലിങ്ങള്ക്ക് കൊടുക്കും, ഇന്ത്യയെ ആക്രമിക്കാന്.- പ്രദീപ് പറയുന്നു.
