കോഴിക്കോട്: കേരളത്തില് തുടര്ച്ചയായി പത്ത് വര്ഷം ഭരിച്ചിട്ട് എന്ത് വികസനമാണ് ഉണ്ടായതെന്ന വിഷയത്തില് സിപിഎമ്മുമായി ചര്ച്ചയ്ക്ക് തയാറാണെന്ന് ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖര്. കോഴിക്കോട് ബിജെപി ഹജ്ജ് പരിഹാര പോര്ട്ടല് ഉദ്ഘാടനം ചെയ്ത ശേഷം മാധ്യമങ്ങളോട് സംസാരിക്കുകയായിരുന്നു അദേഹം.
പത്ത് കൊല്ലം ഭരിച്ചിട്ട് പ്രോഗ്രസ് കാര്ഡ് പുറത്തിറക്കാന് സംസ്ഥാന സര്ക്കാരിന് കഴിഞ്ഞിട്ടില്ല. കേന്ദ്രത്തിനെ കുറ്റപ്പെടുത്തി രക്ഷപ്പെടാനാണ് ശ്രമം. വികസന കാര്യത്തില് പ്രതിപക്ഷവും മുഖ്യമന്ത്രിയുമായും തുറന്ന ചര്ച്ചയ്ക്ക് ബിജെപി തയാറാണ്. ജനങ്ങള് വികസനരാഷ്ട്രീയത്തെ സ്വീകരിക്കും. മികവിന്റെ രാഷ്ട്രീയത്തെയാണ് ഞങ്ങള് മുന്നോട്ട് വെക്കുന്നത്. വികസനം, വിശ്വാസ സംരക്ഷണം, സുരക്ഷിത കേരളം എന്ന മൂന്ന് മുദ്രാവാക്യവുമായാണ് ബിജെപി തെരഞ്ഞെടുപ്പിനെ നേരിടുന്നത്.
നിയമസഭാ തെരഞ്ഞെടുപ്പില് ബിജെപി ഒരു സീറ്റോ രണ്ട് സീറ്റുകളില് മാത്രം ജയിക്കാനല്ല മത്സരിക്കുന്നത്. കേരളത്തില് ഭരണത്തിലെത്തി മാറ്റം നടപ്പിലാക്കാനാണ് ബിജെപി ജനങ്ങള്ക്ക് മുന്നിലേക്ക് ഇറങ്ങുന്നത്. സഖ്യത്തിന് 140 സീറ്റുകളിലും ശക്തരായ സ്ഥാനാര്ത്ഥികള് ഉണ്ടാകും.
നാടിന്റെ ഭാവിക്ക് വേണ്ടിയാണ് ബിജെപി വോട്ട് ചോദിക്കുന്നത്. വികസിത ഭാരതം സൃഷ്ടിക്കുമ്പോള് അതിനൊപ്പം കേരളവും വികസിക്കണം. മാറിമാറി കേരളം ഭരിച്ച ഇടത്-വലത് മുന്നണികളെ ജനങ്ങള്ക്ക് മടുത്തു. യുവാക്കള്ക്ക് തൊഴില് അവസരങ്ങള് സൃഷ്ടിച്ച് നാടിന്റെ മുന്നേറ്റമാണ് ബിജെപി ലക്ഷ്യമിടുന്നത്.
പുറത്തിറങ്ങുന്ന സിനിമകള് കാണാനും കാണാതിരിക്കാനും ആളുകള്ക്ക് അവകാശമുണ്ട്. കേരള സ്റ്റോറി സിനിമ ഉണ്ടാക്കാന് സംവിധായകന് അവകാശമുണ്ട്. സിനിമ പ്രദര്ശിപ്പിക്കുന്നത് സംബന്ധിച്ച് തീരുമാനങ്ങള് എടുക്കേണ്ടത് കോടതിയാണ്. ശബരിമല സ്വര്ണക്കൊള്ളക്കേസ് അന്വേഷണം അട്ടിമറിക്കപ്പെട്ടു രാജീവ് ചന്ദ്രശേഖര് പറഞ്ഞു.
ശബരിമല തന്ത്രിയെ അറസ്റ്റ് ചെയ്തത് കേസിലെ സുപ്രധാന കണ്ണികളെ രക്ഷിക്കാനാണ്, തന്ത്രിയാണ് കുറ്റക്കാരനെന്ന ആഖ്യാനം സൃഷ്ടിച്ച് കടകംപള്ളിയെയും വാസവനെയും രക്ഷപ്പെടുത്താനായിരുന്നു തന്ത്രം. അദ്ദേഹം പറഞ്ഞു. വിവിധ മുസ്ലിം വിഭാഗങ്ങളുമായുള്ള ബന്ധം വര്ദ്ധിപ്പിക്കാന് ബിജെപി പ്രത്യേക പദ്ധതി ആരംഭിച്ചിരുന്നുവെന്ന് കാന്തപുരം എ.പി. അബൂബക്കര് പ്രധാനമന്ത്രിയെ സന്ദര്ശിച്ചതിന് ശേഷമുള്ള പ്രതികരണത്തെക്കുറിച്ചുള്ള മറുപടിയായി അദ്ദേഹം പറഞ്ഞു. മുസ്ലിം സമൂഹവുമായുള്ള ബന്ധം തെരഞ്ഞെടുപ്പ് ലക്ഷ്യം വെച്ചോ വോട്ടുപിടിക്കാനോ അല്ല. വര്ഷങ്ങളായി ബിജെപിക്കെതിരെ നടക്കുന്ന കുപ്രചാരണം അവസാനിപ്പിച്ച് നിലപാട് വ്യക്തമാക്കി സത്യാവസ്ഥ ബോധ്യപ്പെടുത്താനാണ് അത് അദ്ദേഹം പറഞ്ഞു.
വികസിത കേരളം ബിജെപി ഹെല്പ്പ് ഡസ്കിലൂടെ 94000 പരാതികള് പരിഹരിച്ചുവെന്ന് രാജീവ് ചന്ദ്രശേഖര് പറഞ്ഞു. ജൂലൈ മുതല് 30 സംഘടന ജില്ലകളിലെ ഹെല്പ്പ് ഡസ്കിലെത്തിയ 90 ശതമാനം പരാതികള്ക്കും പരിഹാരം കാണാന് സാധിച്ചിട്ടുണ്ട്. ‘കൂടെ ഉണ്ടാകും ഞങ്ങള്’ എന്നത് ബിജെപിയുടെ ഒരു മുദ്രാവാക്യമല്ല. അത് കേരളത്തിന് നല്കുന്ന ഉറപ്പാണ്. രാജീവ് ചന്ദ്രശേഖര് പറഞ്ഞു
നരേന്ദ്ര മോദി സര്ക്കാര് അധികാരത്തില് വന്നതിന്ശേഷം ഹജ്ജ് തീര്ത്ഥാടകരുടെ അലോട്ട്മെന്റില് വര്ദ്ധനവുണ്ടായെന്നും അത് 1.75 ലക്ഷമായി ഉയര്ന്നുവെന്നും ചടങ്ങില് പങ്കെടുത്ത ബിജെപി സംസ്ഥാന വൈസ് പ്രസിഡന്റും ന്യൂനപക്ഷ മോര്ച്ച ദേശീയ ഉപാധ്യക്ഷനുമായ ഡോ. എം. അബ്ദുല്സലാം പറഞ്ഞു.
ഹജ്ജ് തീര്ത്ഥാടകരുടെ അലോട്ട്മെന്റില് സുതാര്യത വരുത്തുകയും ഹജ്ജ് സൗകര്യങ്ങള് വര്ദ്ധിപ്പിക്കുകയും ചെയ്തു. സ്ത്രീകള്ക്ക് തനിച്ച് പോകാനുള്ള അനുവാദം ഉണ്ടാവുകയും അവര്ക്ക് വേണ്ടി പ്രത്യേക വനിതാ യാത്രാ വിമാനങ്ങള് ആരംഭിക്കുകയും ചെയ്തു. തീര്ത്ഥാടകര്ക്ക് സൗകര്യങ്ങള് നടപ്പാക്കുകയും പരാതികള്ക്ക് പരിഹാരമുണ്ടാക്കുകയും ചെയ്യും. ഓണ്ലൈനിലൂടെ ലഭിക്കുന്ന പരാതികള്ക്ക് അടിയന്തര പ്രാധാന്യത്തോടെ പരിഹാരം കാണുന്നുണ്ട് അദ്ദേഹം പറഞ്ഞു.
ബിജെപി സംസ്ഥാന ജനറല് സെക്രട്ടറിമാരായ എം.ടി. രമേശ്, എസ്. സുരേഷ്, സംസ്ഥാന വൈസ് പ്രസിഡന്റ് ഡോ. എം. അബ്ദുല്സലാം, ബിജെപി സിറ്റി ജില്ലാ പ്രസിഡന്റ് അഡ്വ. കെ.പി. പ്രകാശ് ബാബു, ബിജെപി കോഴിക്കോട് നോര്ത്ത് ജില്ലാ പ്രസിഡന്റ് സി.ആര്. പ്രഫുല് കൃഷ്ണന്, ബിജെപി സ്റ്റേറ്റ് സെല് കോഡിനേറ്റര് അഡ്വ. വി.കെ. സജീവന്, ബിജെപി ഔട്ട് റീച്ച് സെക്രട്ടറി ഷമീര് കെ. മുഹമ്മദ്, ബിജെപി മൈനോറിറ്റി മോര്ച്ച സ്റ്റേറ്റ് ജനറല് സെക്രട്ടറി ഷെയ്ഖ് ഷാഹിദ്, മോര്ച്ച ജില്ലാ പ്രസിഡന്റ് അബ്ദുല് റസാഖ് തുടങ്ങിയവര് പങ്കെടുത്തു.
