തിരുവനന്തപുരം: കേരളാ സ്റ്റോറി 2ല് എസ് എഫ് ഐ നേതാവ് അനുജയുടെ ആത്മഹത്യ കാണിച്ചതാണ് ഡിവൈഎഫ്ഐയെ കേരളത്തില് വിറളി പിടിപ്പിച്ചതെന്ന് സംശയം ഉണരുന്നു. കേരളത്തിന് പുറത്തുള്ള ലവ് ജിഹാദ് കഥകളാണ് കാണിക്കുന്നതെന്ന് കേരള സ്റ്റോറി 2ന്റെ നിര്മ്മാതാവും സംവിധായകനും പറഞ്ഞിരുന്നെങ്കിലും സിനിമയില് കേരളത്തിന്റെ ഒരു കഥ കൂടിയുണ്ടെന്ന് പറയപ്പെടുന്നു. ഇത് സംബന്ധിച്ച് സ്ഥിരീകരണം പുറത്തുവന്നിട്ടില്ല.
കേരളാസ്റ്റോറി – 2 ൽ 2015ല് ആത്മഹത്യ ചെയ്ത മഹാരാജാസ് കോളെജിലെ എസ് എഫ് ഐ നേതാവായിരുന്ന അനുജയുടെ ദുരന്തജീവിതവും ഉള്ളതായി പറയുന്നു. ഉല്ക ഗുപ്ത എന്ന നടി അവതരിപ്പിക്കുന്ന സുരേഖ എന്ന കഥാപാത്രം കേരളത്തിലെ അനുജയാണെന്ന് സിനിമ കണ്ട ചിലര് സൂചിപ്പിക്കുന്നു. ഇനിയും സ്ഥിരീകരണ വന്നിട്ടില്ല. അനുജയുടെ ആത്മഹത്യയ്ക്ക് കാരണമായത് ലവ് ജിഹാദായിരുന്നു.
അനുജ തന്നെ വിവാഹം കഴിയ്ക്കും എന്ന വാഗ്ദാനം ലഭിച്ചതിനെ തുടര്ന്ന് ഖലീം എന്ന യുവാവുമായി താമസിക്കുന്നു. പിന്നീട് ഖലീലിന് ഭാര്യയും രണ്ട് മക്കളും ഉണ്ടെന്ന് അറിയുന്നു. ഇതോടെ അനുജ ഖലീലിനെതിരെ തിരിയുകയാണ്. ഇതിനിടെ ഖലീല് അനുജയുടെ മുടി മുറിയ്ക്കുകയും ചെയ്തിരുന്നു. ഇത് അനുജയെ മതം മാറ്റാനുള്ള ശ്രമത്തിന്റെ ഭാഗമായാണെന്നും ആരോപണമുണ്ട്. ഇത് അനുജയെ കടുത്ത മാനസിക സമ്മര്ദ്ദത്തിലേക്ക് തള്ളിവിട്ടു. പിന്നീട് അനുജയെ ആത്മഹത്യ ചെയ്ത നിലയില് ആ വീട്ടില് കണ്ടെത്തുകയാണ്. ഇടപ്പള്ളിയിലെ പടമുഗളിലുള്ള വാടകവീട്ടിനകത്താണ് അനുജ ആത്മഹത്യ ചെയ്ത നിലയില് കാണപ്പെട്ടത്. അനുജ ആത്മഹത്യ ചെയ്തതിന് പിന്നില് ഖലീല് നല്കിയ മാനസികസമ്മര്ദ്ദം ഉള്ളതായി പൊലീസ് കണ്ടെത്തിയിരുന്നു. പിന്നീടാണ് പൊലീസിന്റെ ചോദ്യം ചെയ്യലില് ഖലീലിന്റെ പേരില് ക്രിമിനല് കുറ്റങ്ങളുണ്ടെന്ന് പൊലീസ് കണ്ടെത്തിയത്. തൃശൂര് ജില്ലയില് യുവമോര്ച്ചാ പ്രവര്ത്തകനെ കൊലപ്പെടുത്തിയ ആള് കൂടിയായിരുന്നു ഖലീല്.
രാജ്യത്ത് പല സംസ്ഥാനങ്ങളിൽ നടന്ന സംഭവങ്ങളാണ് കേരളാ സ്റ്റോറി – 2 ലെ പ്രമേയം എന്ന് സംവിധായകനും നിർമ്മാതാവും പത്രസമ്മേളനത്തിൽ വ്യക്തമാക്കിയിട്ടുണ്ടെങ്കിലും ഇതില് അനുജയുടെ ആത്മഹത്യയുടെ കേരളാ സ്റ്റോറിയും ഉള്പ്പെടുത്തിയിട്ടുണ്ടത്രെ. അനുജയുടെ കഥ ലോകമറിയേണ്ട എന്ന് തീരുമാനിക്കാൻ ഡി വൈ എഫ് ഐ യെ പ്രേരിപ്പിച്ചതെന്തെന്ന് വ്യക്തമാക്കേണ്ടത് സംഘടനാനേതൃത്വമാണ്.
“ലവ് ട്രാപ്പ് ജിഹാദിന്റെ ദുരിതം ഏറെ ഏറ്റുവാങ്ങിയ കേരളത്തിൽ അതിന്റെ ഭീകരത വ്യക്തമാക്കുന്ന സിനിമ “ആരും കാണേണ്ട“, “ഇതൊന്നും ആരും അറിയേണ്ട“, എന്ന അജണ്ടയാണോ ഡിവൈഎഫ് ഐയുടെ കേരല സ്റ്റോറി പ്രദര്ശിപ്പിക്കുന്ന തിയറ്ററുകളില് പ്രേക്ഷകരെ വിരട്ടിയോടിക്കുന്നതിന് പിന്നില്?
കേരളാ സ്റ്റോറി – 1ല് നിമിഷ ഫാത്തിമയുടെ കഥയായിരുന്നു പറഞ്ഞത്. കേരളാ സ്റ്റോറി – 1 നെതിരെയും സംസ്ഥാനത്ത് പ്രതിഷേധങ്ങളുയർന്നിരുന്നു. കേരളത്തിൽ നടന്ന സംഭവങ്ങളാണിവയെന്ന യാഥാർത്ഥ്യം കുപ്രചരണങ്ങളിലൂടെ മറയ്ക്കാനാണ് എല്ലായ്പ്പോഴും ചിലർ ശ്രമിക്കുന്നത്. പ്രണയക്കെണിയിൽപ്പെട്ട് മതം മാറി അഫ്ഗാൻ ജയിലിൽ കഴിയുന്ന നിമിഷ ഫാത്തിമയടക്കമുള്ളവരുടെ അനുഭവകഥകളായിരുന്നു അതിൽ ചിത്രീകരിച്ചത്.
