വഴിമാറടാ മുണ്ടയ്‌ക്കല്‍ ശേഖരാ….”കേരള സ്റ്റോറി2 കാണുന്നത് തടയാന്‍ വന്ന ഡിവൈഎഫ്ഐക്കാരെ ഓടിച്ചുവിട്ട അമ്മച്ചി വൈറല്‍

കോട്ടയം:കേരളത്തെ അപമാനിക്കുന്ന കേരള സ്റ്റോറി 2 കാണാന്‍ അനുവദിക്കില്ലെന്ന് പറഞ്ഞ് തടസ്സം നിന്ന ഡിവൈഎഫ്ഐക്കാരോട് നിങ്ങള്‍ ആരെങ്കിലും ഈ സിനിമ കണ്ടോ എന്ന് ധിക്കാരത്തോടെ ചോദിച്ച് സിനിമ കാണാന്‍ വന്ന പ്രായമുള്ള അമ്മച്ചി. അമ്മച്ചിയുടെ ഈ ചോദ്യത്തിന് മുന്‍പില്‍ ഡിവൈഎഫ്ഐക്കാരുടെ സിനിമ കാണാന്‍ അനുവദിക്കില്ലെന്ന ഫാസിസ്റ്റ് ഹുങ്ക് തകര്‍ന്നുവീണു.

കേരള സ്റ്റോറി 2 കാണുന്നതിനെ തടസ്സപ്പെടുത്താന്‍ വന്ന ഡിവൈഎഫ്ഐക്കാരെ ഓടിച്ചുവിടുന്ന അമ്മച്ചിയുടെ വീഡിയോ:

The #Talibanism of #CPM & #DYFI. The left goons entered a theatre at #Kottayam, showing #KeralaStory2 & told theatre management to stop showing it..
There were people who took tickets and watching cinema…. forcefully they were evicted by @CPIMKerala goons… See the pleas of… pic.twitter.com/rfG9g75vt2

— KVS Haridas 🇮🇳 (@keveeyes) February 28, 2026

കോട്ടയത്തെ തിയറ്ററില്‍ നടന്ന ദൃശ്യങ്ങള്‍ സമൂഹമാധ്യമങ്ങളില്‍ വൈറലായി പ്രചരിക്കുകയാണ്. കേരള ഹൈക്കോടതി ഡിവിഷന്‍ ബെഞ്ച് കേരള സ്റ്റോറി 2 പ്രദര്‍ശിപ്പിക്കാന്‍ അനുമതി നല്‍കിയതോടെയാണ് ശനിയാഴ്ച കേരളത്തിലെ തിയറ്ററുകളില്‍ കേരള സ്റ്റേറി 2 പ്രദര്‍ശനത്തിനെത്തിയത്.

കേരളവുമായി ബന്ധമില്ലാത്ത കേരള സ്റ്റോറി ഇവിടെ പ്രദര്‍ശിപ്പിക്കാന്‍ സമ്മതിക്കില്ലെന്ന പിടിവാശിയില്‍ കോട്ടയത്തെ തിയറ്ററില്‍ നിന്നും സിനിമ കാണാനെത്തിയ ഒരുപാട് പേരെ ഡിവൈഎഫ് ഐ സംഘം ഇറക്കിവിട്ടിരുന്നു. കലാകാരന്റെ ആവിഷ്കാരസ്വാതന്ത്ര്യത്തിന് വേണ്ടി തെരുവിലിറങ്ങുന്ന ഡിവൈഎഫ് ഐയുടെ ഫാസിസ്റ്റ് മുഖമാണ് ശനിയാഴ്ച കോട്ടയത്തെ തിയറ്ററിന് മുന്‍പില്‍ കണ്ടത്.

കേരളത്തെ അപമാനിക്കുന്ന സിനിമയാണിതെന്ന് ഡിവൈഎഫ്ഐക്കാര്‍ പറയുന്നത് സമൂഹമാധ്യമങ്ങളില്‍ പ്രചരിക്കുന്ന ഒരു വീഡിയോയില്‍ കാണാം. ഇതിനെയാണ് സിനിമ കാണാന്‍ വന്ന പ്രായമേറിയ ദമ്പതികളിലെ അമ്മച്ചി ശക്തമായി എതിര്‍ത്തത്. കേരളത്തെ അപമാനിക്കുന്നതാണ് ഈ സിനിമയെന്ന് പറയാന്‍ നിങ്ങള്‍ ആരെങ്കിലും കേരള സ്റ്റോറി 2 കണ്ടോ എന്ന് മലയാളത്തിലും ഇംഗ്ലീഷിലും ഈ അമ്മച്ചി പൊട്ടിത്തെറിച്ച് ചോദ്യമുയര്‍ത്തിയതോടെ അവരുടെ വഴിയില്‍ തടസ്സം നിന്ന ഡിവൈഎഫ് ഐക്കാര്‍ വഴിമാറി. അമ്മച്ചിയും സൗമ്യനായ ഭര്‍ത്താവും തിയറ്ററിനകത്തെ കസേരകളിലേക്ക് നീങ്ങുന്നത് കാണാം.
കാണാതെ സിനിമയെക്കുറിച്ച് ആധികാരികമായി അഭിപ്രായം പറയുന്ന ഡിവൈഎഫ്ഐക്കാരുടെ ധിക്കാരത്തെ പലരും സമൂഹമാധ്യമങ്ങളില്‍ വിമര്‍ശിക്കുന്നുണ്ട്.

കേരള സ്റ്റോറി 2ന് കേരളവുമായി ബന്ധമില്ലെന്നും കേരളത്തില്‍ തുടങ്ങിവെച്ച ലവ് ജിഹാദ് കേരളത്തിന് പുറത്തേക്ക് പോയി ക്യാമറക്കണ്ണുകള്‍ ഒപ്പിയെടുത്ത കഥകളാണ് ഇവിടെ പറയുന്നതെന്ന് കഴിഞ്ഞ ദിവസം സിനിമയുടെ സംവിധായകനും നിര്‍മ്മാതാവും ദല്‍ഹിയില്‍ വാര്‍ത്താസമ്മേളനം നടത്തി അറിയിച്ചിരുന്നതാണ്. പക്ഷെ അത് വകവെയ്‌ക്കാതെയാണ് ആരെയും സിനിമ കാണിക്കില്ലെന്ന ഡിവൈഎഫ്ഐയുടെ ധിക്കാരം.

കേരള ഹൈക്കോടതിയുടെ സിംഗിള്‍ ബെഞ്ച് സിനിമയുടെ പ്രദര്‍ശനാനുമതി നിഷേധിച്ചെങ്കിലും പിന്നീട് ഹൈക്കോടതി ഡിവിഷന്‍ ബെഞ്ച് സിനിമ പ്രദര്‍ശിപ്പിക്കാന്‍ അനുവാദം നല്‍കിയിരുന്നു. എന്നിട്ടും സിനിമ കാണാന്‍ വരുന്നവരെ തടഞ്ഞ ഡിവൈഎഫ്ഐ നിലപാടിനെതിരെ ശക്തമായ പ്രതിഷേധം ഉയരുകയാണ്.

ജോസഫ് മാഷ്ടെ കൈവെട്ടിയപ്പോള്‍ ഈ ഡിവൈഎഫ്ഐ എവിടെയായിരുന്നു എന്ന ചോദ്യം സമൂഹമാധ്യമങ്ങളില്‍ ഉയരുന്നുണ്ട്.