കൊച്ചി: ഇന്ത്യന് സൂപ്പര് ലീഗ്(ഐഎസ്എല്) ഫുട്ബോളില് കേരള ബ്ലാസ്റ്റേഴ്സിന് ഇന്ന് മൂന്നാമങ്കം. കലൂര് ജവഹര്ലാല് നെഹ്റു സ്റ്റേഡിയത്തില് വൈകീട്ട് അഞ്ചിനാണ് മത്സരം. ഐഎസ്എല്ലില് ആദ്യമായാണ് കൊച്ചിയില് ഇത്രയും നേരത്തെ മത്സരം സംഘടിപ്പിക്കുന്നത്. ഈ സീസണിലെ കന്നിക്കാരായ ഇന്റര് കാശി ആണ് എതിരാളികള്.
കളിച്ച രണ്ട് മത്സരങ്ങളും പരാജയപ്പെട്ട ടീമുകളാണ് രണ്ടും. ബ്ലാസ്റ്റേഴ്സ് ആദ്യ മത്സത്തില് മോഹന് ബഗാനോട് കൊല്ക്കത്തയില് പരാജയപ്പെട്ടു. കൊച്ചിയില് നടന്ന രണ്ടാം മത്സരത്തില് മുംബൈ എഫ്സിയോടും പരാജയപ്പെട്ടു.
സ്പാനിഷ് പരിശീലകന് ഡേവിഡ് കറ്റാലയ്ക്ക് കീഴിലുള്ള ടീം സീസണിലെ ആദ്യ ജയം ഇതുവരെ നേടിയിട്ടില്ല. ബ്ലാസ്റ്റേഴ്സ് ആരാധകരായ മഞ്ഞപ്പടയും കാത്തിരിപ്പിലാണ്. ഐഎസ്എല്ലില് ഇന്ന് രണ്ടാം മത്സരത്തില് കൊല്ക്കത്ത ടീമുകള് നേര്ക്കുനേര് ഏറ്റുമുട്ടും. രാത്രി 7.30ന് സാള്ട്ട് ലേക്ക് സ്റ്റേഡിയത്തില് നടക്കുന്ന പോരാട്ടത്തില് മോഹന് ബഗാന് സൂപ്പര് ജയന്റ്സും മുഹമ്മദന് സ്പോര്ട്ടിങ് ക്ലബ്ബുമാണ് ഏറ്റുമുട്ടുക.
