ന്യൂദല്ഹി: മുഗള് ഭരണകാലത്തിന് ശേഷം വന്ക്ഷേത്രക്കൊള്ള നടന്നത് പിണറായി സര്ക്കാരിന്റെ കാലത്താണെന്ന് ബിജെപി നേതാവ് സന്ദീപ് വാചസ്പതിയുടെ പ്രസംഗം സമൂഹമാധ്യമങ്ങളില് വൈറല്. കഴിഞ്ഞ ദിവസം ചെങ്ങന്നൂരിന്റെ മണ്ണില് നടന്ന വിശ്വാസജനസഭ പരിപാടിയില് സംസാരിക്കുകയായിരുന്നു സന്ദീപ് വാചസ്പതി. ശബരിമലയിലെ സ്വര്ണ്ണക്കൊള്ളയ്ക്ക് തുടക്കം കുറിച്ചത് കോണ്ഗ്രസ് നേതാക്കള് ദേവസ്വം ബോര്ഡ് ഭരിയ്ക്കുമ്പോഴാണെന്ന കാര്യം മറക്കരുതെന്നും അദ്ദേഹം ഓര്മ്മിപ്പിച്ചു. നശിച്ച നായര്ക്കും പിഴച്ച ക്രിസ്ത്യാനിക്കും മാത്രമേ കമ്മ്യൂണിസ്റ്റാകാന് സാധിക്കൂ എന്ന് കേരളത്തോട് അസന്നിഗ്ധമായി പറഞ്ഞ മന്നത്ത് പത്മനാഭന്റെ 56ാം ഓര്മ്മദിനത്തില് കൂടിയാണ് ഈ വിശ്വാസജനസഭ നടന്നത് എന്ന കാര്യം മറന്നുപോകരുതെന്നും സന്ദീപ് വാചസ്പതി കൂട്ടിച്ചേര്ത്തു.
സോണിയാഗാന്ധിയുടെ പങ്ക് മറക്കരുത്
ഇനി ശബരിമല സ്ത്രീപ്രവേശന വിഷയത്തില് കോണ്ഗ്രസ് വക്താവായ രണ്ദീപ് സുര്ജേ വാല പറഞ്ഞത് എല്ലാ പ്രായത്തിലുമുള്ള സ്ത്രീകള്ക്ക് പ്രവേശനം നല്കുന്ന സുപ്രീംകോടതി വിധി നടപ്പാക്കണമെന്നാണ്. ബിജെപി ഉറച്ചുനിന്ന് സുപ്രീംകോടതി വിധിയ്ക്കെതിരെ സമരം ചെയ്തു. നാല് ദിവസം കഴിഞ്ഞപ്പോള് കോണ്ഗ്രസുകാര് സമരത്തില് നിന്നും ഒഴിഞ്ഞുപോയി. യുഡിഎഫ് എന്തുകൊണ്ട് മാളത്തിലൊളിച്ചു എന്ന് എല്ലാവര്ക്കറിയാം. ശബരിമലയില് പിണറായി വിജയന് അരക്കള്ളനാണെങ്കില് മുക്കാല് കള്ളന്മാരാണ് കോണ്ഗ്രസ്. – സന്ദീപ് വാചസ്പതി പറഞ്ഞു. യുപിഎ അധ്യക്ഷയായിരിക്കുമ്പോള് കെ.സി. വേണുഗോപാലിനു പോലും പ്രവേശനം അനുവദിക്കാന് സോണിയാഗാന്ധിയുടെ അരികിലേക്ക് മൂന്ന് തവണ ഉണ്ണികൃഷ്ണന് പോറ്റി എത്തിയിട്ടുണ്ടെങ്കില് അതിന് പിന്നില് സ്വര്ണ്ണക്കൊള്ളയ്ക്കുള്ള താല്പര്യം തന്നെയാണെന്ന് നമ്മള് മനസ്സിലാക്കണമെന്നും സന്ദീപ് വാചസ്പതി പറഞ്ഞു.
ഹൈക്കോടതിയും സുപ്രീംകോടതിയുമൊക്കം ആശ്ചര്യത്തോടെ, അമ്പരപ്പോടെയാണ് ശബരിമല സ്വര്ണ്ണക്കൊള്ള കേസിനെ സമീപിക്കുന്നത്. ശബരിമലയില് ഇനി എന്തെങ്കിലും അവശേഷിക്കുന്നുണ്ടോ എന്നാണ് സുപ്രീംകോടതി ചോദിച്ചത്. -സന്ദീപ് വാചസ്പതി അഭിപ്രായപ്പെട്ടു.
പ്രത്യേക അന്വേഷണസംഘം പിണറായി വിജയന്റെ കളിപ്പാവയായി പ്രവര്ത്തിക്കുകയാണ്. ശബരിമല തന്ത്രിയെ സ്വര്ണ്ണക്കൊള്ളയില് ഉള്പ്പെടുത്തിയിട്ടുണ്ടെങ്കില് അതിന് പിന്നില് ഗൂഡാലോചനയുണ്ട്. ശബരിമലയില് മരാമത്ത് നടത്തുന്നത് ശബരിമല തന്ത്രിയുടെ പണിയല്ല. ദ്വാരകപാലകശില്പത്തില് സ്വര്ണ്ണം പൂശുന്നതും സ്വര്ണ്ണപ്പാളി മാറ്റുന്നതും മരാമത്ത് പണിയാണ്. തന്തിയേക്കാള് ഉത്തരവാദികളായ സിപിഎം നേതാക്കളായവര് ദേവസ്വം ബോര്ഡ് ഭാരവാഹികള് വിലസുമ്പോഴാണ് തന്ത്രിയെ അറസ്റ്റ് ചെയ്തത്.
ആചാര ലംഘനത്തിനുള്ള പിണറായി വിജയന്റെ തിട്ടൂരം നടക്കാതിരുന്നത് ബി ജെ പി നടത്തിയ പോരാട്ടം കാരണമാണെന്നും സന്ദീപ് വാചസ്പതി പറഞ്ഞു.
സമൂഹത്തിന്റെ ധാര്മ്മിതയെ വിലവെയ്ക്കാത്ത രഹ്ന ഫാത്തിമയേയും കനകദുര്ഗ്ഗയേയും പൊലീസ് വേഷം ധരിപ്പിച്ച് ശബരിമലയിലേക്ക് കൊണ്ടുപോയ പിണറായി സര്ക്കാരിന്റെ ആ കിരാതത്വം മറക്കരുത്. അന്ന് നടയടച്ച് ശുദ്ധി വരുത്തിയതിനാണ് ശബരിമല തന്ത്രിയെ ഇവര് വെറുത്തത്. മുണ്ടിന്റെ കോന്തലയില് താക്കോലുണ്ടെന്ന് കരുതി എന്തും ചെയ്യാമെന്ന് കരുതരുതെന്നാണ് അന്ന് പിണറായി പറഞ്ഞത്. ആ തന്ത്രിയെ അറസ്റ്റ് ചെയ്യാന് ഇപ്പോള് അവസരം ഒത്തുവന്നപ്പോള് പിണറായി അത് ചെയ്തു.
ഇന്നും ആയിരക്കണക്കിന് ബിജെപി പ്രവര്ത്തക്കെതിരെ അന്ന് സമരം ചെയ്തതിന് കേസ് നിലനില്ക്കുകയാണ്. 92 വയസ്സുള്ള ഒ. രാജഗോപാല് വരെ ശബരിമല പ്രവേശനവുമായി ബന്ധപ്പെട്ട കേസില് പ്രതിയാണ്. ഒ.രാജഗോപാല് , കെ. സുരേന്ദ്രന്, കൃഷ്ണദാസ്, കുമ്മനം രാജശേഖരന് എന്നിവരുള്പ്പെടെയുള്ളവര് ബന്ദിന്റെ ദിവസം വടിവാളുമായി മാന്നാര് ജംഗ്ഷനിലൂടെ നടന്ന് പോയെന്നും അതുവഴി വന്ന മാരുതി സ്വിഫ്റ്റ് കാറിലുള്ളവരെ കൊല്ലുമെന്ന് ഭീഷണിപ്പെടുത്തിയെന്നുമാണ് കേസ്. എന്തൊരു കേസാണിത്? – സന്ദീപ് വാചസ്പതി ചോദിക്കുന്നു.
