തിരുവനന്തപുരം:കെഎസ്ആര്ടിസിയില് നിന്ന് പിരിച്ചുവിട്ട എംപാനല് ജീവനക്കാരെ തിരിച്ചെടുത്ത് സ്ഥിരപ്പെടുത്താന് ഉത്തരവ്.എംപാനലുകാരെ ഹൈക്കോടതി ഉത്തരവ് പ്രകാരം പുറത്താക്കിയത് 2018ലാണ്.
2018ല് പിഎസ്സി റാങ്ക് പട്ടിക വന്നതിന് പിന്നാലെ ഹൈക്കോടതി ഉത്തരവിനെ തുടര്ന്ന് പിരിച്ചുവിട്ട 3055 ജീവനക്കാരെ തിരിച്ചെടുക്കണം.അര്ഹരായവരെ സ്ഥിരപ്പെടുത്തണം. നാലാഴ്ചക്കുളളില് നടപടികള് പൂര്ത്തിയാക്കണം. പിരിച്ചുവിട്ട സമയം മുതല് ഇതുവരെയുളള 50 ശതമാനം വേതനം നല്കണം.സ്ഥിരപ്പെടുത്താന് ഒഴിവില്ലെങ്കില് അടുത്ത അഞ്ച് വര്ഷത്തിനിടെ പകുതി നിയമനം എംപാനലുകാര്ക്കായി മാറ്റിവയ്ക്കണം.
കെഎസ്ആര്ടിസി വര്ക്കേഴ്സ് ഫെഡറേഷന് നല്കിയ ഹര്ജിയിലാണ് ഉത്തരവ്. ഹൈക്കോടതിയാണ് ഇന്ഡസ്ട്രിയല് ട്രൈബ്യൂണലിനെ സമീപിക്കാന് ഹര്ജിക്കാരോട് നിര്ദേശിച്ചത്.
തിരിച്ചെടുക്കലും ഇതുവരെയുളള വേതനം നല്കലും കെഎസ്ആര്ടിസിക്ക് വലിയ സാമ്പത്തിക ഭാരമുണ്ടാക്കും. ഹെക്കോടതി വിധിക്ക് എതിരായ ഉത്തരവായതിനാല് നിയമോപദേശം തേടി തുടര്നടപടിയെടുക്കാനാണ് കെഎസ്ആര്ടിസി തീരുമാനം.
