തിരുവനന്തപുരം: പരീക്ഷാ പേടി മാറ്റാനായി കൊണ്ടുവന്ന ഒമ്പതാം ക്ലാസുകാരിയെ പലവട്ടം പീഡിപ്പിച്ച പൂജാരി കുറ്റക്കാരനാണെന്ന് തിരുവനന്തപുരം പോക്സോ കോടതി വിധിച്ചു.
കണ്ണമ്മൂല ബാലസുബ്രമണ്യ ക്ഷേത്രത്തിലെ പൂജാരിയായിരുന്ന ബിനീഷിനെയാണ് (45) കുറ്റക്കാരനെന്ന് കോടതി കണ്ടെത്തിയത്. കേസില് 28 ന് ശിക്ഷ വിധിക്കും.
2019 നായിരുന്നു കേസിനാസ്പദമായ സംഭവം. പരീക്ഷാ പേടി മാറ്റാനുള്ള പൂജ ചെയ്യണമെന്നാവശ്യപ്പെട്ടാണ് കുട്ടിയെ അമ്മ പൂജാരിയുടെ അടുക്കല് കൊണ്ടുചെന്നത്. എന്നാല് ബാധയുള്ളതിനാലാണ് പരീക്ഷാ പേടിയുണ്ടായതെന്നും പ്രത്യേകം പൂജ ആവശ്യമാണെന്നും ധരിപ്പിച്ച് കുട്ടിയെ പൂജാമുറിയില് കൊണ്ടുപോയി പല ദിവസങ്ങളിലായി പീഡിപ്പിക്കുകയായിരുന്നു. പൂജ ചെയ്തിട്ടും പരീക്ഷാ പേടി മാറാത്തതിനാല് ഒരു ഡോക്ടറെ കാണിച്ചപ്പോഴാണ് കുട്ടി പീഡിപ്പിക്കപ്പെട്ട കാര്യം പറഞ്ഞത് . തുടര്ന്ന് പൊലീസില് അറിയിക്കുകയായിരുന്നു.
കേസില് പ്രോസിക്യൂഷനുവേണ്ടി പബ്ലിക് പ്രോസിക്യൂട്ടര് കാട്ടായിക്കോണം ജെ.കെ.അജിത്ത് പ്രസാദ്, അഡ്വക്കേറ്റ് ബിന്ദു.വി.സി. എന്നിവര് ഹാജരായി.
