തൃശൂര്: കണ്ടകശനി കൊണ്ടേ പോകൂ എന്ന ജ്യോത്സ്യന്മാര് പറയും.കാരണം കണ്ടകശനി ബാധിച്ചയാള്ക്ക് മരണം ഉള്പ്പെടെയുള്ള അങ്ങേയറ്റം ദുരിതകാലം അനുഭവിക്കേണ്ടിവരുമാണെന്നാണ് ഈ പ്രയോഗത്തിലൂടെ ഉദ്ദേശിക്കുന്നത്.
നളചരിതത്തിൽ നളരാജൻ അനുഭവിക്കുന്ന കഠിനമായ ദുരിതകാലമാണ് കണ്ടകശനി. ചന്ദ്രനിൽ നിന്ന് 4, 7, 10 ഭാവങ്ങളിൽ ശനി വരുമ്പോഴുണ്ടാകുന്ന ഈ കാലം, നളനെ രാജ്യഭ്രഷ്ടനാക്കുകയും ദമയന്തിയുമായി വേർപിരിയുന്നതിനും കാട്ടുതീയിൽ അകപ്പെടുന്നതിനും കാരണമാവുകയും ചെയ്തു. ഏകദേശം രണ്ടര വർഷം നീണ്ടുനിൽക്കുന്ന ഈ കാലയളവിൽ ശനി കഠിനമായ കഷ്ടനഷ്ടങ്ങൾ നൽകുന്നു.
ഒരാള് ജനിച്ച നക്ഷത്രം ഏതു കൂറിലാണോ അതാണ് അയാളുടെ ജന്മക്കൂര്. ചാരവശാല് ശനി ഒരാളുടെ ജന്മക്കൂറിന്റെ കണ്ടക രാശികളായ 4,7,10 എന്നീ ഭാവങ്ങളില് നിന്നാല് അതിനെ കണ്ടകശനി എന്ന് പറയുന്നു. കണ്ടക ശനികാലം രണ്ടര വര്ഷമാണ് .
നാലാം ഭാവമെന്നത് മാതാവ്, കുടുംബം, വീട്, വാഹനം എന്നിവയുടെ സ്ഥാനമാണ്. അതുകൊണ്ട് ശനി നാലാം ഭാവത്തിലേക്ക് മാറുന്നവർക്ക് മാതാ പിതാക്കന്മാര്ക്കും ഭാര്യാ പുത്രാദികള്ക്കും രോഗ ദുരിതങ്ങള്, കുടുംബകലഹം, വീടിനും വാഹനത്തിനും അറ്റകുറ്റപ്പണികള് നടത്തുന്നതിലൂടെ ധന നഷ്ടം, വീട് വിട്ട് താമസിക്കേണ്ടി വരിക, വ്യാപാരത്തില് ലാഭക്കുറവുണ്ടാകുക, വിലപ്പെട്ട വസ്തുക്കള് അപഹരിക്കപ്പെടുകയോ നഷ്ടപ്പെടുകയോ ചെയ്യുക , കട ബാദ്ധ്യതകള് വര്ധിക്കുക എന്നീ ദോഷഫലങ്ങള് അനുഭവപ്പെടുവാന് സാധ്യതയുണ്ട്.
ഏഴാം ഭാവം എന്നത് കളത്ര സ്ഥാനമാണ്. ശനി നാലാം ഭാവത്തിലേക്ക് മാറുന്നവരുടെ ഭാര്യാ പുത്രാദികള്ക്ക് ദോഷ ഫലങ്ങള്, ധന തടസ്സം, കാര്യതടസ്സം , മനഃക്ലേശം, യാത്രാദുരിതം , ഭാര്യാ ഗൃഹത്തില് നിന്നും ബന്ധുക്കളില് നിന്നും അനിഷ്ടാനുഭവങ്ങള്, ബന്ധുക്കളുമായി അനാവശ്യ തര്ക്കങ്ങള് , അപകടങ്ങളോ മുറിവുകളോ എന്നിവയും അനുഭവപ്പെടും.
പത്താം ഭാവം കര്മ്മ ഭാവമാണ്. ശനി പത്താം ഭാവത്തിലേക്ക് മാറുന്നവർക്ക് പ്രവര്ത്തന രംഗത്ത് വിഘ്നങ്ങള്, ജോലിയില് അലസത, ജോലി സംബന്ധമായ ബുദ്ധിമുട്ടുകൾ വർദ്ധിക്കുക , അലച്ചില്, സഹ പ്രവര്ത്തകരുടെ സഹകരണക്കുറവ് , മേലധികാരികളുടെ അതൃപ്തി, ജോലിയില് സ്ഥാന ചലനം, തൊഴില് സംബന്ധമായ അപകടങ്ങള് എന്നീ അനിഷ്ടഫലങ്ങള് അനുഭവപ്പെടാനിടയുണ്ട്.
