ന്യൂദല്ഹി: ലവ് ജിഹാദിന് ഇരയാക്കപ്പെട്ട ഇന്ത്യയുടെ വിവിധ ഭാഗങ്ങളില് നിന്നുള്ള 26 സ്ത്രീകളെ അണിനിരത്തി കേരള സ്റ്റോറി 2ന്റെ സംവിധായകനും നിര്മ്മാതാവും. ഇവരുടെ കഥകള്ക്കപ്പുറം ലവ് ജിഹാദ് ഉണ്ടെന്നതിനെ വേറെ തെളിവുകള് വേണോയെന്നാണ് സംവിധായകന് കാമാഖ്യ നാരായണും നിര്മ്മാതാവ് വിപുല് ഷാ അമൃത് ലാലും ചോദിച്ചത്.
പക്ഷെ വാര്ത്താസമ്മേളനത്തില് മലയാളികളായ മാധ്യമപ്രവര്ത്തകര് വല്ലാതെ ധാര്ഷ്ട്യത്തോടെ സംവിധായകന് കാമാഖ്യ നാരായണിനെയും നിര്മ്മാതാവ് വിപുല് ഷാ അമൃത് ലാലിനെയും ചോദ്യം ചെയ്തെങ്കിലും ശക്തമായ മറുപടി നല്കി അവര് മാധ്യമപ്രവര്ത്തകരുടെ വായടപ്പിച്ചു. കേരളസ്റ്റോറി ഒന്നാം ഭാഗം കേരളത്തെക്കുറിച്ചായിരുന്നെങ്കില് കേരള സ്റ്റോറി 2 ഇന്ത്യയിലെ പല ഭാഗങ്ങളില് നിന്നും ലവ് ജിഹാദിന് ഇരയായവരുടെ കഥയാണെന്ന് സംവിധായകന്. തിങ്കളാഴ്ച നടന്ന ചടങ്ങില് ലവ് ജിഹാദിന് ഇരയായ ഇന്ത്യയിലെ പല ഭാഗത്തുനിന്നുള്ളവരെ സംവിധായകന് കാമാഖ്യ നാരായണ് വേദിയിലെത്തിച്ചു.
കേരള സ്റ്റോറി 2 കേരളത്തിന്റെ കഥയല്ലെന്ന കാര്യം നിര്മ്മാതാവ് വിപുല്ഷാ അമൃത് ലാല് പറഞ്ഞു. ദല്ഹിയില് നടന്ന വാര്ത്താസമ്മേളനത്തില് ലവ് ജിഹാദിന് ഇരയായ സ്ത്രീകള് അവരുടെ ദുരനുഭവങ്ങള് മാധ്യമപ്രവര്ത്തകരോട് പങ്കുവെച്ചു. കേരള സ്റ്റോറി 2ല് ബീഫ് ഒരു പെണ്കുട്ടിയുടെ വായില് കുത്തിനിറച്ച യഥാര്ത്ഥ സംഭവം നടന്നത് മധ്യപ്രദേശില് നടന്നതാണ്. ഇതിന്റെ പേരില് കഥയറിയാതെ കേരളത്തിലെ ഇടത് -ജിഹാദി-ലിബറല് ഗ്യാങ്ങുകള് മാധ്യമങ്ങളിലും സമൂഹമാധ്യമങ്ങളിലും വലിയ ബഹളമാണ് നടത്തിയിരുന്നത്.
കേരളവുമായി ഈ സിനിമയക്ക് എന്താണ് ബന്ധമെന്ന മാധ്യമപ്രവര്ത്തകരുടെ ചോദ്യത്തിന് മറുപടി പറയുമ്പോഴാണ് ഇക്കാര്യം സംവിധായകന് കാമാഖ്യ നാരായണനും സംവിധായകന് വിപുല് ഷാ അമൃത്ലാലും വിശദീകരിച്ചത്. കേരളസ്റ്റോറി ഒന്നാം ഭാഗം കേരളത്തെക്കുറിച്ചായിരുന്നെന്നും അന്ന് ലവ് ജിഹാദിന് ഇരയായ 26 പേരെ നേരിട്ട് ഹാജരാക്കിയിരുന്നെന്നും നിര്മ്മാതാവ് വിപുല് ഷാ അമൃതലാല് പറഞ്ഞു.
